बैशाख २७, धनकुटा ।
धनकुटाकै गौरवका रुपमा लिईने सहिद भिमनारायण गोल्डकप प्रतियोगिताको तयारी अन्तिम चरणमा पुगेको जनाएको छ । प्रतियोगिताका लागि रोलरबाट मैदान सम्याउने काम सम्पन्न भईसकेको आयोजक समितिका संयोजक शम्भु प्रधानले जानकारी दिए । मैदानको वरिपरी घेर्ने कार्य पनि सम्पन्न भईसकेको छ । अब भोली विहान चुना लगाईने धनकुटा फुटवल संघका अध्यक्ष गोविन्द राईले जानकारी दिए ।
प्रतियोगिताको पहिलो खेल भोली विदेशी टिम भारतको रोयल एफसी र मोरंगको विन्ध्यावासिनी फुटवल क्लववीच हुने आयोजक सहिद भिमनारायण प्रतिष्ठानका अध्यक्ष पुरेन्द्रलाल श्रेष्ठले जानकारी दिए । उनका अनुसार निर्णायक र भारतीय खेलाडिहरु आईसकेका छन् ।
प्रतियोगिताको उद्घाटन धनकुटाबाट निर्वाचित प्रतिनिधि सभाका सांसद राजेन्द्र राईले गर्ने प्रतिष्ठानका महासचिव रोसन श्रेष्ठले जानकारी दिए । प्रतियोगिता जेठ ४ गतेसम्म सञ्चालन हुने जानकारी दिए । प्रतियोगिता सञ्चालन गर्न सबैभन्दा बढी धनकुटा नगरपालिकाले आर्थिक सहयोग गर्ने प्रतिष्ठानका अध्यक्ष श्रेष्ठले बताए । यस्तै मुख्य प्रायोजकका रुपमा रुस्लान रहेको छ ।