धनकुटा । सरकारले संसदमा दर्ता गराएको मिडिया काउन्सिल विधेयकको बिरोध गर्दै धनकुटाका पत्रकार एवम संचारकर्मीहरु सडकमा उत्रिएका छन् ।
जिल्लामा क्रियाशील दर्जन भन्दा बढी पत्रकार तथा संचारकर्मीहरुले धनकुटा–७ चुवाको वोट रहेको चोकमा सञ्चार सामाग्री प्रर्दशनमा राख्दै मिडिया विधेयकको विरोधमा सडकमा उत्रिएका हुन् ।
नेपाल पत्रकार महासंघको कार्यक्रम अन्र्तगत विधेयकको विरोधमा यतिबेला धनकुटा सहित देशभरका पत्रकार तथा सञ्चारकर्मीहरु विरोधमा सडकमा उत्रिएका छन् ।
हातमा कालो पट्टी बाँधेका सञ्चारकर्मीहरुले करिव एक घण्टा आफुले प्रयोग गर्ने क्यामेरा, टिपोट डायरी, डटपेन, क्यामेरा स्ट्यान्ड, ल्यावटप लगायत संचार सामाग्री प्रर्दशनमा राखेका थिए ।
विरोध कार्यक्रममा नेपाल प्रेस युनियनका केन्द्रिय उपाध्यक्ष तथा नेपाल पत्रकार महासंघ धनकुटाका पूर्वअध्यक्ष विजयसन्तोषी राई, पत्रकार महासंघ धनकुटाका अध्यक्ष राजेश्वर वहादुर श्रेष्ठले प्रदर्शन कार्यक्रममा बोल्दै नेपाल सरकारले ल्याएको विधेयक फिर्ता लिएर सरोकारवालसंंग छलफल गरी विधेक ल्याउन सुझाब दिए ।
सो कार्यक्रम नागरिक समाजका अगुवा, वुद्धिजिवी लगायतको उपस्थिति थियो ।
