ट्याक्टर दुर्घटना, दुईको मृत्यु
धनकुटा मंसिर १३ । आज शुक्रबार दिउँसो भएको ट्याक्टर दुर्घटनामा दुई जनाको घटनास्थलमै मृत्यु भएको छ । सो दुर्घटना धनकुटा नगरपालिका वडा नं. १ हिलेमा भएको थियो ।
सो ट्याक्टर छथरजोरपाटी गाउँपालिकाको सिधुवाबाट हिलेतर्फ काठका गोलिया बोकेर आउँदै गरेको थियो । को १ ज ८७२१ नम्बरको सो ट्रयाक्टर हिले सिरानको होराइजन होटल नजिक दुर्घटना भएको थियो । सो दुर्घटनामा धनकुटा नगरपालिका १ सिँजाली टोल घर भएका ट्याक्टर चालक ४५ वर्षीया राजकुमार सिँजाली मगर र सहचालक २८ वर्षीय दलबहादुर सिँजाली मगरको मृत्यु भएको हिले प्रहरी चौकीका प्रमुख कुमार ढकालले जानकारी दिए । उनीहरुको ट्याक्टरको इञ्जिनले च्यापेर मृत्यू भएको थियो ।
सो ट्याक्टर दुर्घटना हुनुको कारण ओरालो बाटो, काठको गोलियाको लोड र तीव्र गतिका कारण ब्रेक नलाग्दा अनियन्त्रित भएर दुर्घटना भएको हुनसक्ने प्रहरीको प्रारम्भीक अनुमान छ । पोष्टमार्टमका लागि शव जिल्ला अस्पताल धनकुटा पठाइएको ढकालले बताए ।