धनकुटा । विविध कार्यक्रमको आयोजना गरी देशभर सहिद दिवस मनाईयो । सोहि क्रममा धनकुटामा आयोजित श्रद्धाञ्जली कार्यक्रममा सरोकारवाला निकायका प्रतिनिधिहरुले सहिद देशको गहना भएकाले सहिदहरुको सम्मान गरे मात्र देशले सफलता प्राप्त गर्न सक्नेमा पर्नेमा जोड दिए ।
हुसाडेक नेपालको आयोजनामा भएको श्रद्धाञ्जली कार्यक्रममा पूर्वसांसद गोपाल गुरागाईले सहिदहरुको बलिदानबाटै मुलुकमा लोकतन्त्र स्थापना भएको बताए । उनले सहिदको सपना पुरा गर्न अब सबै एकजुट भएर लाग्नु पर्नेमा जोड दिए ।
सो अवसरमा १ नम्वर प्रदेश सभाका सांसद निरन राईले वर्तमान सरकार सहिदहरुले देखाएको मार्गमा हिडिरहेको बताए । उनले सहिदको उचित सम्मान गर्न सकेमात्र लोकतन्त्रको संस्थागत विकास हुने बताए । सो अवसरमा जिल्ला समन्वय समितिका प्रमुख टंकबहादुर चुवान, प्रमुख जिल्ला अधिकारी डा. कृष्णबहादुर घिमिरे, नेकपा सचिव ऋषिराम ढुंगाना, नेपाली कांग्रेसका सचिव विजयसन्तोषी राई, समाजवादी पार्टीका धनकुटा नगर इन्र्चाज सरोज आठपहरिया, राप्रपा संयुक्तका जिल्ला सदस्य मिनबहादुर कार्की, सामुदायिक बन उपभोक्ता महासंघका अध्यक्ष निलबहादुर थापा, गैसस महासंघका पूर्व अध्यक्ष सोभिष चेम्जोङ, पत्रकार महासंघका सहसचिव हरिबहादुर लम्जेल, प्रेस युनियनका कोषाध्यक्ष पूर्ण चोधरी, नेकपाका भिम राई, नैन विश्वकर्मा, युवा संघका केन्द्रिय सदस्य तथा धनकुटा इञ्र्चाज बलदीप राई, सहिद रामकृष्ण स्मृति प्रतिष्ठानका अध्यक्ष इश्वरबहादुर श्रेष्ठ, जिल्ला ट्राफिक कार्यालयका प्रमुख सुरेन्द्र खड्का, अधिकारकर्मी गीता अधिकारी, राजेन्द्र बस्नेत, खिन्द्र अधिकारीलगायतले धनकुटा बसपार्कस्थित सहिदहरुको प्रतिमामा फुलमाला लगाई दिई श्रद्धाञ्जली व्यक्त गर्दै सम्मान गरेका थिए ।
हुसाडेक नेपालका अध्यक्ष खेम घिमिरको अध्यक्षतमा सम्पन्न भएको कार्यक्रममा हुसाडेकका सचिव सरोज भूजेलले कार्यक्रमको संचालन गरेका थिए ।