धनकुटा २८ चैत्र । नोवेल कोरोना भाईरस (कोभिड १९) को संक्रमणबाट बच्न जनचेतना अभियान संचालन गर्दै उद्योग वाणिज्य दिवस सम्पन्न भएको छ । सो अवसरमा आज धनकुटा उद्योग वाणिज्य संघले व्यापारी, उपभोक्ता र मजदुरहरुलाई कोरोना भाईरसबाट बच्नका लागी सचेतना अभिवृद्धी गर्दै सुरक्षित सामग्रीहरु वितरण गरेको छ ।
दिवसको अवसरमा लकडाउनका कारण सभा सम्मेलनको आयोजना नगरी विश्वमा महामारीको रुपमा फैलिदै गैरहेको कोराना भाईरसबाट बच्नका लागी सो सामग्रीहरु वितरण गरेको अध्यक्ष विजयसन्तोषी राईले जानकारी दिए ।
दिवसकै अवसरमा धनकुटा बजारमा संघका अध्यक्ष विजय सन्तोषी राई, वरिष्ठ उपाध्यक्ष मनकुमारी तितुङ्ग, महिला उपाध्यक्ष निर्मला राई श्रेष्ठ, सचिव श्रीराम रायमाझी, कोषाध्यक्ष रुपेश श्रेष्ठ, सदस्यहरु रेजिना पलिखे, सुनिता थापा, लिजा श्रेष्ठ, अम्विका देवी धमला, उज्ज्वल कर्माचार्य र कार्यालय प्रमुख सिचन प्रधान लगायतले व्यापारी, व्यवसायी र उपभोक्ताहरुलाई मास्क, सेनिटाइजर, पञ्जालगायतका स्वास्थ्य सुरक्षा सम्बन्धि सामग्रीहरु वितरण गरेका थिए ।
यसैगरी हिले बजारमा संघका उपाध्यक्ष खगेन्द्र विष्ट, महासचिव रामबहादुर गोङ्वालगायतले व्यवसायी तथा चिया उद्योगका मजदुरहरुलाई ती सामग्रीहरु वितरण गरेका थिए ।
