धनकुटा । जिल्ला प्रशासन कार्यालयले धनकुटा बजार क्षेत्रमा लगाइएको सिल हटाएको छ । गत अस्पतालका स्वास्थ्यकर्मीलाई कोरोना संक्रमण भएपछि अस्पताल वरिपरी क्षेत्रमा सिल गरिएको थियो ।
हिजो शुक्रबार बसेको कोभिड १९ कमाण्ड फोर्सको बैठकले धनकुटा बजार क्षेत्रमा लगाइएको सिल शुक्रबारदेखि हटाउने निर्णय गरेको हो । यस्ते बैठकले भोली आइतबारदेखि अस्पताल सञ्चालनमा ल्याइने निर्णयसमेत गरेको सहायक प्रमुख जिल्ला अधिकारी तथा फोर्सका सदस्य सचिब जयराम श्रेष्ठले जानकारी दिए ।
अस्पताल सञ्चालनमा ल्याउन अघि शुक्रबार र शनिबार अस्पताल तथा वरिपरी क्षेत्रमा सेनेटराइज गरेर आइतबारदेखि सञ्चालनमा ल्याईने जनाएको छ । यस्तै बैठकले भारत तथा तेस्रो मुलुकबाट आएका मानिसहरुको नामावली संकलन गर्ने र र अस्पताल हाताभित्र क्वाटरमा बसेकालाई क्वारेन्टाइनमा राख्ने निर्णय गरेको सहायक प्रजिअ श्रेष्ठले जानकारी दिए ।
धनकुटामा हालसम्म ४ जना स्वास्थ्यकर्मी, २ जना सुरक्षाकर्मी र १ जना स्वास्थ्यकर्मीका परिवार गरी ७ जनामा कोरोना संक्रमण देखिएको छ । हाल उनीहरुको विराटनगरस्थित कोरोना अस्पतालमा उपचार भइरहेको छ ।
स्वास्थ्यकर्मी तथा सुरक्षाकर्मीहरुलाई कोरोना संक्रमण भएपछि सञ्चारकर्मीहरुको पनि यथाीघ्र स्वाव परिक्षण गरिनु पर्ने माग उठिरहेको छ । यस सम्बन्धमा अस्पतालका निमित्त मेडिकल सुपरीटेन्डेड पुजन विश्वकर्माले परिक्षणका लागि पहल भैरहेको जानकारी दिए ।