तिलगंगा आँखा प्रतिष्ठान काठमाडौंद्वारा धनकुटाका सातै वटा स्थानीय तहहरुमा निःशुल्क स्वास्थ्य परिक्षण गर्ने भएको छ । सो परिक्षणबाट शल्यक्रिया गर्नु पर्ने आँखाका विरामीहरुको पाख्रिवासमा निःशुल्क शल्यक्रिया गरिने प्रतिष्ठानका कर्मचारी नारायण कार्कीले जानकारी दिए ।
कार्कीका अनुसार यहि चैत्र २८ गते विहीवारदेखि आँखा परिक्षण शुरु गरिने छ । उनका अनुसार चौविसे गाउँपालिकाको राजारानीमा चैत्र २८ गते स्थानीय पु०य माविबाट परिक्षण् शुरु गरिने छ । यस्तै साँगुरीगढीको भेडेटारमा चैत्र २९ गते, धनकुटा नगरपालिकाको नगरपालिकाको कार्यालयमै ३० गते, परिक्षण गरिने छ ।
यस्तै शहिदभूमि गाउँपालिकाको छिन्ताङ स्वास्थ्यचौकीमा बैशाख २ गते, छथर जोरपाटी गाउँपालिकाको गाउँपालिका कार्यालयमै बैशाख ३ गते र महालक्ष्मी नगरपालिकाको जितपुर माविमा बैशाख ४ गते परिक्षण गरिने छ ।
यस्तै पाख्रिवास नगरपालिकाको जाल्पादेवी माविमा बैशाख ५ र ६ गते परिक्षण हुनुका साथै अन्य स्थानीय तहहरुमा परिक्षण गरिएका शल्यक्रिया गर्नु पर्ने विरामीहरुको शल्यक्रिया पाख्रिवासमा हुने कार्कीले जानकारी दिए ।
शल्यक्रिया तीलगंगा आँखा प्रतिष्ठानका विश्वप्रसिद्ध वरिष्ठ नेत्ररोग विशेषज्ञ डा. सन्दुक रुईटबाट हुने छ । अन्य स्थानीय तहहरुमा गरिने आँखा परिक्षण पनि तीलगंगा आँखा प्रतिष्ठानकै चिकित्सकहरुबाट हुने जानकारी कार्कीले दिए ।