धनकुटा । नेपाल सरकारले प्रस्ताव गरेको मिडिया काउन्सिल सम्बन्धि विधेयकको विरोध गर्दै नेपाल प्रेस यूनियन धनकुटा शाखाले ज्ञापनपत्र बुझाएको छ । सो विधेयक प्रेस तथा अभिव्यतिm स्वतन्त्रता विरोधी भएकोले फिर्ता गराउन माग राख्दै प्रमुख जिल्ला अधिकारीमार्फत संघीय संसदका सभामुख र राष्ट्रिय सभाका अध्यक्ष लाई ज्ञापनपत्र पठाएको छ । अध्यक्ष हिमा चेम्जोङ र केन्द्रिय उपाध्यक्ष बिजयसन्तोषी राईको नेतृत्वमा गएको पत्रकारहरुको टोलीले ज्ञापनपत्र बुझाएको हो ।
यूनियनकी अध्यक्ष हिमाकुमारी चेम्जोङ्गले सरकारले प्रेस तथा अभिव्यतिm स्वतन्त्रता बिरोधी बिधेयक ल्याएकोले बिरोध गर्नु परेको बताईन् । ज्ञापन पत्र बुझदै प्रमुख जिल्ला अधिकारी सिताराम कार्कीले ज्ञापनपत्र सम्वन्धित निकायलाई तत्काल फाक्समार्फत पठाउने जानकारी दिए । उनले पछि हुलाकमार्फत सक्कल पनि पठाउने जानकारी दिए । युनियनका सचिव विकास घिमिरेले ज्ञापनपत्र पढेर सुनाएका थिए ।
ज्ञापनपत्र बुझाउन नेपाल पत्रकार महासंघ धनकुटाका अध्यक्ष राजेश्वर बहादुर श्रेष्ठ, पत्रकार महासंघका पूर्व केन्द्रिय उपाध्यक्ष संजयसन्तोषी राई , पत्रकार महासंघका धनकुटाका निवर्तमान अध्यक्ष खगेन्द्रप्रसाद घिमिरे, पत्रकार महासंघका सचिव विदुर खवास, कोषाध्यक्ष नारायणकुमार राई, सहसचिब हरिबहादुर लम्जेल, फोनिज अध्यक्ष सन्तबीर लामालगायतको सहभागिता रहेको थियो ।
यस्तै विधेयकका विरोधमा यूनियनले पत्रकार महासंघको सभाहलमा अन्तक्रिया कार्यक्रम आयोजना गरेका थिए । सो कार्यक्रममा बोल्दै प्रेस यूनियनका केन्द्रिय उपाध्यक्ष राईले सरकारले सरोकारवाला निकायसँग परामर्श नगरी अधिनायकवादी चरित्र प्रदर्शन गर्दै प्रेस तथा अभिव्यतिm स्वतन्त्रता विरोधी बिधेयक ल्याएको आरोप लगाए । उनले यो बिधेयक जस्ताको त्यस्तै संसदबाट पास भएमा लोकतान्त्रिक व्यवस्था नै संकटमा पर्ने बताए ।
यूनियनकी अध्यक्ष हिमाकुमारी चेम्जोङ्गको अध्यक्षतामा सम्पन्न कार्यक्रममा पत्रकार महासंघका अध्यक्ष राजेश्वरबहादुर श्रेष्ठ, निर्वमान अध्यक्ष खगेन्द्र घिमिरे, साझा सञ्चारका अध्यक्ष भेषराज कटेल, प्रेस चौतारीका पूर्व केन्द्रिय सदस्य रमेशचन्द्र अधिकारीलगायतले ज्ञानेन्द्र शाहको प्रतिगमनविरुद्ध आन्दोलन नेतृत्व सञ्चारकर्मीले गरेको स्मरण गराउँदै ज्ञानेन्द्र मार्गमा नहिड्न चेतावनी दिएका थिए । उनीहरुले अहिलेको समयमा स्वतन्त्र प्रेसलाई कुंिठत गर्ने कुनैपनि कानूनलाई नगरिने भन्दै सशक्त आन्दोलन गर्ने चेतावनी दिए ।