धनकुटा २५ चैत्र । धनकुटा बहुमुखी क्याम्पसमा अध्ययनरत विभिन्न जिल्लाका विद्यार्थीहरुलाई आज नेपाल विद्यार्थी संघ धनकुटा वहुमुखी क्याम्पस समितिले टुडिखेलको प्याराफिटमा दैनिक उपभोग्य सामग्रीहरु वितरण गरेका छन् । ती विद्यार्थीहरु सरकारले लगाएको लक डाउनका कारण घर जान पाएका थिएनन् ।
एक मिटरको दुरीमा आवश्यक दैनिक उपभोग्य वस्तुहरुको पोका बनाएर टुडिखेलमा राखिएको थियो । सो उपभोग्य वस्तु सुरक्षाकर्मीको सहयोगमा एक÷एक जना विद्यार्थीलाई प्याराफिटमा प्रवेश गराएर विद्यार्थी आफैले लैजाने गरी व्यवस्था गरिएको नेपाल विद्यार्थी संघ धनकुटा बहुमुखी क्याम्पस समितिका अध्यक्ष करुण कटुवाले बताईन ।
सो अवसरमा नेपाली कांग्रेस धनकुटाका सचिव तथा नेविसंघ क्याम्पस इकाईका पूर्व अध्यक्ष विजयसन्तोषी राई, कांग्रेस जिल्ला कोषाध्यक्ष तथा संघ क्याम्पस इकाईका पूर्व अध्यक्ष दिनेश राई, कांग्रेसका पूर्व सहसचिव तथा क्याम्पसका स्ववियूका पूर्व सदस्य राजन पौडेल, नेपाल निर्माण व्यवसायी संघका उपाध्यक्ष प्रकाश राई, नेपाल प्रेस युनियनका निर्वतमान अध्यक्ष यानिन्द्र तिगेला, नेविसंघ क्याम्पस समितिका अध्यक्ष करुणा कटुवाल, सहसचिव सुवास खनाललगायत वितरण कार्यक्रममा सहभागी थिए ।
नेपाली कांग्रेस धनकुटाको सहयोगमा संघ क्याम्पस समितिले घर जान नपाएका विद्यार्थीहरुलाई दैनिक उपभोग्य सामग्रीहरु वितरण गरिएको हो । लक डाउनका कारण घर जान नपाएका भोजपुर, संखुवासभा, ते¥हथुम, पाँचथर र धनकुटा जिल्लाकै विभिन्न गाउँपालिका घर भएका ४६ जना विद्यार्थीहरुलाई सो सामग्रीहरु वितरण गरिएको थियो ।
राहत सामग्री वितरण गरेको सो अवसरमा कुनै तस्वीर खिचिएन । अहिले सानो राहत सामग्री दिएपनि कोरोना भाईरस सर्ने जोखिमलाई ध्यान नदिई फोटो खिच्ने संस्कार विपरित सो पोकामा चामल, दाल, तेल, नुन, चियाबत्ती, सावुन, मास्कलगायतका सामग्रीहरु वितरण गरिएको संघ क्याम्पस समितिका अध्यक्ष कटुवालले जानकारी दिईन् ।
