धनकुटा । धनकुटा उद्योग बाणिज्य संघको कोरोना भाईरसविरुद्धको अभियानअन्र्तगत फ्रन्टलाईनमा काम गर्ने सञ्चारगृह हरुलाई कोराना भाईरसबाट बच्नका लागी स्वस्थ्य र सुरक्षित सामग्रीहरु प्रदान गरेको छ । विश्वमा नै महामारीको रुपमा फैलिरहेको कोरोना भाइरसलाई नियन्त्रण गर्नका लागी नेपाल सरकारले लकडाउन गरेको समयमा पनि उच्च जोखिमका साथ फ्रन्टलाईनमा रहेर नागरिकहरुलाई सहि तथा तथ्य सूचना प्रदान गरिरहेकोले सञ्चारकर्मीहरु तथा सञ्चारगृहलाई यस्ता सामग्रीहरु प्रदान गरेको संघका अध्यक्ष विजयसन्तोषी राईले जानकारी दिए ।
सो सामग्रीहरु संघका अध्यक्ष विजयसन्तोषी राई, वरिष्ठ उपाध्यक्ष मनकुमारी तितुङ्ग, उपाध्यक्ष खगेन्द्र विष्ट, सचिव श्रीराम रायमाझी, कोषाध्यक्ष रुपेश श्रेष्ठ, कार्यकारी सदस्यहरु अम्विकादेवी धमला, नगेन्द्र काफ्ले, राम घिसिङ्गलगायतले वितरण गरेका हुन् । संघले सञ्चारगृहहरुलाई पञ्चा, मास्क, ह्याण्डवास, सेनिटाईजर, डिटोल सावुनहरुलगायत स्वस्थ्य तथा सुरक्षित सामग्रीहरु वितरण गरेका थिए ।
ती सामग्रीहरु रेडियो नेपाल प्रदेश प्रशारण केन्द्र धनकुटाका निमित्त प्रमुख तिलकराम चौधरी, जनविश्वास प्रकाशनका प्रमुख तथा जनविश्वास साप्ताहिका सम्पादक सञ्जयसन्तोषी राई, रेडियो मकालुका स्टेशन म्यानेजर सन्तोष रुचाल, रेडियो लालिगुरास एफएमका स्टेशन म्यानेजर विदुर खवास, रेडियो भेडेटारका स्टेशन म्यानेजर पूर्णकुमार चौधरीलगायत धनकुटाका सञ्चारगृहहरुलाई वितरण गरिएका थिए । यस भन्दा अघिनै संघले फ्रन्टलाईनमा काम गर्ने विभिन्न राष्ट्रिय तथा स्थानीय संचारमाध्यममा कार्यरत पत्रकारहरुलाई वितरण गरिसकेको संघका महासचिव रामबहादुर गोङ्वाले जानकारी दिए ।