काठमाडौं । पूर्वमन्त्री तथा संविधानसभाका सदस्य सुनिलबहादुर थापाद्वारा धनकुटाका लागि पीसीआर मेशिन तथा भेन्टिलेटर माग गरेका छन् । पूर्वमन्त्री थापाले सो माग स्वास्थ तथा जनसंख्यामन्त्री भानुभक्त ढकालसँग मन्त्रालयमा भेट गरी गरेका हुन् ।
सो अवसरमा सूर्यबहादुर थापा प्रतिष्ठानका अध्यक्ष तथा नेपाली कांग्र्रेसका नेता थापाले २ महिना अघि धनकुटालगायत १० जिल्लामा पीसीआर मेशिन उपलब्ध गराउने स्वास्थ्य मन्त्रालयको निर्णय स्मरण गराउँदै अहिलेको विषम परिस्थितिमा यसको आवश्यकता झन बढेको भन्दै तत्काल उपलब्ध गराईदिन आग्रह गरेका थिए । सो अवसरमा पूर्वमन्त्री थापाले प्रदेश सरकारले धनकुटामा पूर्वका ४ जिल्लाका कोरोना संक्रमित विरामीहरुका लागि ४० शैयाको आईसोलेशन कक्ष निर्माण गर्ने तयारी भैरहेको जानकारी दिए । उनले सो कक्षमा भावी दिनमा उपचार समेत गर्नु पर्ने आवश्यक रहने भन्दै तत्काल चिकित्सकसहित ४ वटा भेन्टिलेटर उपलब्ध गराई दिनसमेत आग्रह गरेका थिए ।
सो अवसरमा पूर्वमन्त्री थापाले सूर्यबहादुर प्रतिष्ठानमार्फत जापान सरकारको सहयोगमा धनकुटा अस्पतालमा अक्सिजन प्लान्ट जडान गरेका जानकार िगराएका थिए । उनले लकडाउनको समयमा पनि जिल्लामा कार्यरत स्वास्थकर्मीहरु, एम्बुलेन्स चालकहरुका लागि आबश्यक सुरक्षित स्वास्थ्य सामग्री हेलिकप्टर चार्टर गरेर उपलब्ध गराएको मन्त्री ढकाललाई जानकारी गराएका थिए ।
सो मागपत्र ग्रहण गर्दै स्वास्थ्यमन्त्री भानुभक्त ढकालले पुर्वप्रधानमन्त्री सूर्यबहादुर थापाको योगदानको खुलेर प्रसंशा गरेका थिए । मन्त्री ढकालले पूर्वप्रधानमन्त्री थापा विकासवादी सोंच भएका उच्च ब्यक्तित्व भएको बताएको सहभागी मदन घिमिरेले जानकारी दिए । मन्त्री ढकालले मागका सम्बन्धमा भेन्टिलेटर तुरुन्त उपलब्ध गराउने प्रतिवद्धता जनाएको घिमिरेले जानकारी दिए । सो अवसरमा मन्त्री ढकालले पीसीआर मेसिनका लागि प्रदेश सरकार मार्फत उपलब्ध गरार्ईादने प्रतिबद्धतासहित आश्वासन दिएका थिए ।
