धनकुटा । पर्डेप संस्था, धनकुटा नगरपालिका र यूएनडिपी वीच भएको त्रिपक्षीय सम्झौता अनुसार यस संस्थाको सहजीकरणमा ध.न.पा.वडा नं.१, २, ३ र १० मा संचालित Covid 19 Response & Socio Economic Recovery Project कृषकहरुलाई आर्थिक सशक्तिकरणका लागि संचालनमा रहेको छ ।
विभिन्न कृयाकलाप गरी कृषकहरुलाई सहयोग गर्दै आएको मध्ये हो ध.न.पा. २ भिरगाउँको चोकरोकमा हाईटेक नर्सरी आधुनिक टनेल हाउस निर्माण । १६ मि.लम्वाई र ८ मिटर चौडाई रहेको यो टनेल हाउसमा तरकारी तथा फलफूलको नर्सरी तयार गरी कृषकहरुलाई सुपथ मूल्यमा उपलव्ध गराउने लक्ष रहेको छ ।
लाभान्वित हुने कृषकहरु करिव ५०० घरधुरी रहेको छ । यो विशेष खालको टनेल मानिन्छ । करिव १० लाख लागत लागेको यो हाईटेक नर्सरी आधुनिक टनेल हाउसको विशेषता यस प्रकार रहेको छः
– तापक्रम सुहाउदिलो हुने ।(Temperature adjustment)
– भाइरस पस्न पाउदैन ईन्टेक नेट लगाएको छ ।
– Ultraviolet coted भएकाले सुर्यको परावैजनिक किरण सिधै पस्न पाउदैन ।
– थोपा सिचाईको व्यवस्था गरिएको हुन्छ ।
यी सवै कारणले फलफूल तथा तरकारीको नर्सरी तयार हुदा स्वस्थ्य भई पछि कृषकहरुले स्वस्थ्य विरुवा आफनो वारीमा लगाई राम्रो आम्दानी लिन सकिन्छ भन्ने कुरा प्रमाणित भैसकेको हुँदा यसलाई जोड दिईएको कुरा पर्डेप संस्थाका अध्यक्ष श्री नरेश प्रसाद श्रेष्ठले वताए ।
चोकरोकमा हाईटेक नर्सरी आधुनिक टनेल हाउसको फोटो: पर्डेप नेपाल
