महाधिबेशन प्रतिनिधिमा २१ बर्षिय कटुवाल विजयी

धनकुटा ।
नेपाली कांग्रेसको १४ औं महाधिबेशन अन्तर्गत धनकुटा जिल्लामा सम्पन्न जिल्ला निर्वाचनबाट महाधिबेशन प्रतिनिधिमा २१ वर्षिया करुणा कटुवाल विजयी भएकी छिन् । केन्द्रिय महाधिबेशन प्रतिनिधि प्रत्यक्ष महिलातर्फ ५ सय ५९ मत ल्याई उनी केन्द्रिय प्रतिनिधिमा निर्वाचित भएकी हुन् । उनी नेपाल विद्यार्थी संघ धनकुटा बहुमुखी क्याम्पस इकाई समिति सभापति समेत हुन् । केन्द्रिय महाधिवेशन प्रतिनिधि प्रत्यक्ष महिलातर्फ कटुवालसहित संविधान सभाका सदस्य अन्जना ताम्ली, क्षेत्र ख की सभापति इन्दिरा थापा र सुमना तिम्सिना विजयी भएका छन् । विजयी भएकामध्ये तिम्सिनाले सबैभन्दा बढी ५८५ मत प्राप्त गरेकी छिन् । यस्तै कटुबालले ५५९, ताम्लीले ५५५ र थापाले ५४७ मत पाएका छन् ।
निर्वाचित प्रतिनिधिहरुमा कटुवाल र तिम्सिना देउवा पक्ष सभापति दिनेश राई प्यानलबाट विजयी भएका हुन् भने ताम्ली र थापा कोईराला पौडेल पक्षका कमोट फागोका प्यानलका हुन् ।
महाधिबेशन प्रतिनिधिका लागि भएको निर्वाचनको मत परिणामअनुसार निर्वाचित भएकामहाधिवेशन प्रतिनिधिहरुमा पूर्व जिल्ला सभापतिद्वय हरिकुमार राई, मनोहरनारायण श्रेष्ठ, निर्वतमान सभापति अग्नीप्रसाद पौडेल, निवर्तमान उपसभापति नवीनकिशोर शाक्य, निवर्तमान महासमिति सदस्य तथा पूर्वउपसभापति अजितनारायण सिंह थापा, महासमिति सदस्य आनन्दसन्तोषी राई, जिल्ला सदस्यहरु लेखनाथ पौडेल, गंगाराम ढुगांना, खेमराज पौडेल, थिरेन्द्रबहादुर लिम्बु छन् । विजयी मध्ये पूर्व जिल्ला सभापति हरिकुमार राई, लेखनाथ पौडेल, गंगाराम ढुगांना र खेमराज पौडेल कोईराला पौडेल पक्षका हुन् ।
त्यस्तै आदिवासी जनजाति पुरुष तर्फ हर्क चेम्जोङ, प्रकाश कुमार राई थुलुङ र मणिकुमार चेम्जोङ बिजयी भएका छन् । मणिकुमार बाहेक दुई जना देउवा पक्षका हुन् ।
आदिवासी जनजाति तर्फ महिला तर्फ लिला सुब्वा, मीनाकुमारी राई तुम्वा, सीता प्रधान विजयी भएका छन् । तुम्वा पौडेल पक्षका हुन भने सुब्वा र प्रधान संस्थापन पक्षका हुन् । त्यस्तै समानुपातिक खस आर्य तर्फ पौडेल पक्षका महेन्द्र निरौला र संस्थापन पक्षका दुर्गा सुवेदी विजयी भएका छनठ ।
त्यस्तै अल्पसंख्यक अपाङ्ग तर्फ उदयबहादुर लिम्बु र दलित तर्फ शिवराज विश्वकर्मा विजयी भएका छन् । उनीहरु दुवै जना देउवा पक्षका हुन् ।
निर्वाचित २५ जना महाधिवेशन प्रतिनिधिहरुमा संस्थापन पक्षका १५ जना र कोईराला पौडेल पक्षका १० जना रहेका छन् ।
जिल्ला समितिका पदाधिकारीहरुमा उपसभापति निर्मल ओझाबाहेक सबै संस्थापन पक्षका विजयी भएका छन् । निर्वाचित हुने संस्थापन पक्षका पदाधिकारीहरुमा सभापतिमा दिनेश राई, उपसभापति सुनिल डंगोल, सचिवद्वयमा विजयसन्तोषी राई र जयन्द्र घिसिङ, सहसचिवद्वयमा रोशन श्रेष्ठ र गिरिजाप्रसाद दाहाल रहेका छन् ।

Dhankuta News