धनकुटा, २१ पुष । प्रेस चौतारी नेपाल धनकुटाको ९ औं जिल्ला अधिवेशन यही पुष २९ गते हुने भएको छ । चौतारी जिल्ला कार्यसमितिको हालै बसेको बैठकले सो मिति तोकेको अध्यक्ष सन्तोष रुचालले जानकारी दिए ।
बैठकले जिल्ला अधिवेशन सफल बनाउन चार वटा उप–समिति गठन गरेको चौतारीका जिल्ला उपाध्यक्ष रबिन कटेलले जानकारी दिए । उनका अनुसार गठन गरिएको उप–समितिहरुमा आर्थिक व्यवस्थापन, प्रतिनिधि व्यवस्थापन, प्रचारप्रसार र मञ्च व्यवस्थापन उपसमिति निर्माण गरिएको छ । आर्थिक व्यवस्थापन उप–समिति उपाध्यक्ष कटेलको संयोजकत्व गठन गरिएको छ । सो उप–समितिको सदस्यहरुमा विश्वराज श्रेष्ठ र डम्बरु दाहाल छन् ।
यस्तै सह–सचिव विश्वराज श्रेष्ठको संयोजकत्वमा प्रचारप्रसार उप–समिति गठन गरिएको छ । सो उप–समितिको सदस्यहरुमा विमला राई, वालिका मादेन र सुरेन्द्र मग्रान्ती रहेका छन् । यस्तै कोषाध्यक्ष मनिषा पोख्रेलको संयोजकत्वमा प्रतिनिधि व्यवस्थापन उप–समिति गठन गरिएको छ । सो उप–समितिको सदस्यहरुमा माया राउत र शिशिर भण्डारी रहेका छन् । यस्तै मानवी तामाङ्गको संयोजकत्वमा मञ्च व्यवस्थापन उप–समिति गठन गरिएको छ । सो उप–समितिको सदस्यहरुमा नवनीत खड्का र कल्पना थापा रहेको उपाध्यक्ष कटेलले जानकारी दिए ।
बैठकले चौतारीको केन्द्रिय सदस्यमा मनोनित भएका जिल्ला अध्यक्ष सन्तोष रुचाललाई बधाईसहित सफल कार्यकालको शुभकामना दिने निर्णय गरेको छ । समितिले यसअघि नै केन्द्रिय सदस्यमा मनोनित रमेशचन्द्र अधिकारीलाई बधाई तथा शुभकामना दिईसकेको छ ।
सो अधिवेशनले नयाँ कार्यसमिति चयन गर्ने छ । समितिको नयाँ अध्यक्षमा वर्तमान उपाध्यक्ष कटेल र मानवी मोक्तानमध्ये एकजना हुनसक्ने चौतारीका एक जना सदस्यले बताए । हालै केन्द्रिय सदस्यमा मनोनित भएका वर्तमान अध्यक्ष सन्तोष रुचालले कार्यसमिति सबैको सरसल्लाहमा सर्वसम्मत चयन हुने विश्वास व्यक्त गरे ।