पुष २१, धनकुटा । धनकुटामा जारी वाइ वाइ डाइनामाइट “बी’’ डिभिजन नकआउट पुरुष फुटबलको उपाधी डाँडाबजार युवा क्लबले चुमेको छ । स्थानीय तल्लो टुडिखेलमा आज सम्पन्न भएको प्रतिस्पर्धात्मक फाइनल खेलमा सिधुवा सिंहदेवी युवा क्लवलाई शून्यका विरुद्ध दुई गोलको अन्तरले पराजित गर्दै डाँडाबजार युवा क्लबले उपाधी चुम्न सफल भएको हो ।
डाँडाबजारले यि दुवै गोल खेलका पहिलो हाफमा लगाएको हो । दोस्रो हाफमा भने दुवै टिमले अनेको गोल गर्ने अवसर गुमाउँदा गोलरहित हुन पुग्यो ।
धनकुटामा पुष १० गते देखि “ए’’ डिभिजन लिग र “बी’’ डिभिजन नकआउटप्रतियोगिता सञ्चालन भएका थिए । “ए’’ डिभिजन लिममा ६ वटा टिमहरुले प्रतिस्पर्धा गरेका थिएभने “बि’’ डिभिजन नकआउटमा १० वटा टिमहरुले प्रतिस्पर्धा गरेको आयोजक धनकुटा जिल्ला फुटवल संघका अध्यक्ष गोविन्द राइले जानकारी दिए ।
“ए’’ डिभिजन लिगको उपाधी भने देउराली युवा क्लबले हात पार्न सफल भएको छ । सो डिभिजनबाट मार्गादेवी युवा क्लव रेलिगेशनमा परी “बी’’ डिभिजनमा झर्ने अध्यक्ष राईले जानकारी दिए ।
प्रतियोगिताका विजय खेलाडीहरुलाई कार्यक्रमका प्रमुख अतिथि धनकुटा नगरपालिकाका प्रमुख चिन्तन तामाङ, पूर्व डिआजी दिनेश अमात्य, नगरपालिकाका प्रमुख प्रशासकीय अधिकृत रामबहादुर थापा, फुटवल संघका अध्यक्ष गोविन्द राई, संघका पूर्व अध्यक्षहरु शम्भु प्रधान, धिरेन्द्रलाल श्रेष्ठ, सदस्यहरु शिखर श्रेष्ठ, शुक्त लिम्बु, पत्रकार महासंघ धनकुटाका अध्यक्ष नगेन्द्र राईलगायतले कप, मेडल, प्रमाणपत्र र नगद पुरस्कार वितरण गरेका थिए ।
फाईनल खेल प्रतियोगिताको म्यान अफ दि म्याच डाँडाबजार युवा क्लबका खेलाडी बिपेन याख्खा भएको थियो ।
