पुष २१, धनकुटा । महालक्ष्मी नगरपालिका वडा नं. २ कावडाध्यक्ष तथा नेपाली कांग्रेस महालक्ष्मी नगरका सभापति ध्रुवराज रायलाई पितेशोक परेको छ । उनका पिता तथा समाजसेवी मारेककटहरे निवासी टंकबहादुर रायको आज निधन भएको छ । स्वर्गीय रायको पार्थिव शरीरमा पार्टीको चार तारे झण्डा ओढाएर सम्मान पूर्वक चानुवा विश्रान्ती मन्दिरस्थित अरुण नदी किनारमा अन्येष्टी गरिएको छ ।
स्वर्गीय रायको पार्थिव शरीरमा नेपाली कांग्रेसका जिल्ला सभापति दिनेश राई, पूर्व सभापति अग्नीप्रसाद पौडेल, संविधान सभा सदस्य अञ्जना ताम्ली, प्रदेश कार्यसमितिका सदस्य मिना लुम्बा, जिल्ला सचिवद्वय विजय सन्तोषी राई, जयन्द्र घिसिङ, प्रदेश सभा ख का सभापति राजन पौडेल, नेपाल महिला संघका जिल्ला उपाध्यक्ष अम्विका धमला, तरुण दलका कार्यवाहाक अध्यक्ष युवराज पराजुली, पार्टी कार्यालय सचिव भरत श्रेष्ठलगायतले चार तारे झण्डा ओढाएर अन्तिम श्रद्धाञ्जली अर्पण गरेका थिए ।
अन्तेष्टीमा महालक्ष्मी नगरपालिकाका प्रमुख पर्शुराम नेपाल, उपप्रमुख मञ्जु कार्की, कांग्रेस जिल्ला सदस्यहरु ज्ञानबहादुर गुरुङ, रमेश पौडेल, राजेन्द्र खड्का, ओमबहादुर बस्नेत, महाधिवेशन प्रतिनिधि लेखनाथ पौडेल, खेम पौडेल, पूर्व जिल्ला सदस्यहरु राजेन्द्र पौडेल, गजेन्द्र पौडेल, टेकबहादुर चापागाई, रेखा पुरीलगायतका नेताहरु उपस्थिति थिए ।
स्वर्गिय रायको आज विहान १० वजे हृदयघात भई ७४ वर्षको उमेरमा असामयिक निधन भएको थियो । स्वर्गीय रायको दुई छोरा र सात जना छोरीहरु रहेका छन् । स्वर्गीय रायको निधनले नेपाली कांग्रेसले एक सच्चा अभिभावक र मारेककटहरेले समाजसेवी गुमाएको कांग्रेस जिल्ला सचिव विजय सन्तोषी राईले बताए ।
