धनकुटा । धनकुटा उद्योग बाणिज्य संघले करदाता सेवा कार्यालय धनकुटाका प्रमुखलाई स्वागत गर्नुका साथै संघको बैठक समेत गरी विभिन्न निर्णयहरु गरेको छ ।
धनकुटा उद्योग बाणिज्य संघले धनकुटा करदाता सेवा कार्यालयमा भर्खरै कार्यालय प्रमुखको रुपमा आउनु भएका कर अधिकृत भक्तराज निरौलालाई विशेष कार्यक्रमको आयोजना गरी स्वागत गर्दै कर शिक्षा र कर सचेतना कार्यका लागी आग्रह गरेको छ ।
धनकुटा उद्योग बाणिज्य संघका अध्यक्ष विजय सन्तोषी राईको अध्यक्षतमा सम्पन्न भएको स्वागत कार्यक्रममा धनकुटा उद्योग बाणिज्य संघका निर्वतमान अध्यक्ष उमेश घिमिरे, पूर्वअध्यक्ष लालचन्द्र गोङ्वा, वरिष्ठ उपाध्यक्ष तारा तितुङ, उपाध्यक्ष कृष्णराज श्रेष्ठ, महिला उपाध्यक्ष निर्मला श्रेष्ठ, सचिव श्रीराम रायमाझी, कोषाध्यक्ष रुपेश श्रेष्ठ लगायतले कर अधिकृत भक्तराज निरौलालाई खादा माला लगाई स्वागत गर्दै सहकार्यका लागि आग्रह गर्नुभएको थियो ।
कार्यक्रममा धनकुटा उद्योग बाणिज्य संघका कार्यकारी सदसस्यहरु रेजिना पलिखे, लिजा श्रेष्ठ, सुनिता थापा, शोभा श्रेष्ठ, दिजेश शाक्य, महेन्द्र थापा, नगेन्द्र काफ्ले, उज्वल श्रेष्ठ, विपिन थापा, सिँधुवा उद्योग बाणिज्य संघ शाखाका अध्यक्ष शिव श्रेष्ठ, नेपाल उद्योग बाणिज्य महासंघका राजु शर्मा, धनकुटा उद्योग बाणिज्य संघका कार्यालय-सचिव सिचन प्रधान लगायतले करदाता सेवा कार्यालय धनकुटाका प्रमुख भक्तराज निरौलालाई खाँदा तथा टिका लगाई स्वागत गर्नु भएको थियो ।
सो अवसरमा करदाता सेवा कार्यालय धनकुटका प्रमुख भक्तराज निरौलालाई कर शिक्षा लगायत व्यवसायीहरुलाई करको दायरामा ल्याउन धनकुटा उद्योग बाणिज्य संघ संग सहकार्य गर्ने वताउँनुभयो ।
यसैगरि धनकुटा उद्योग बाणिज्य संघका अध्यक्ष विजय सन्तोषी राईको अध्यक्षतामा बसेको संघको बैठकले कर शिक्षा र नाप तौल सम्वन्धि सचेतना कार्यक्रम धनकुटमा संचालन गर्ने र नयाँ बर्षको अवसरमा संघको पदाधिकारीहरुको क्षमता तथा नेतृत्व विकासका लागि अनुभव आदान-प्रदान गर्न कार्य समितिका पदाधिकारी सदस्यहरुको क्षमता विकास कार्यक्रमको साथ बनभोज कार्यक्रम चैत्र २६ गते गर्ने निर्णय गरेको संघका सचिव श्रीराम रायमाझीले बताउँनुभयो ।