धनकुटा । जिल्ला फुटबल संघ धनकुटाको आयोजनामा भाद्र ९ गते देखि संचालित चारदिने डि-लाइसेन्स कम्युनिटी कोर्स एक कार्यक्रमका बीच सम्पन्न भएको छ ।
प्रशिक्षक प्रशिक्षण प्रमुख सन्जित सिंह, प्रशिक्षकहरु भगवती राना मगर, श्याम मानन्धर र सरिन प्रधानद्वारा सन्चालित कम्युनिटी कोर्समा धनकुटा २७, मोरङबाट २ जना, सुनसरीबाट २ जना र काठमाडौ बाट १ जना गरि ३२ जना प्रशिक्षार्थी सहभागि रहेको जिल्ला फुटवल संघका उपाध्यक्ष दिवस खड्काले बताए ।
चार दिनसम्म संचालित कार्यक्रम डि-लाइसेन्स प्रशिक्षक उत्पादन गर्ने लक्ष्य का साथ संचालन गरिएको धनकुटा जिल्ला फुटबल महासंघका महासचिव सन्देश राईले बताए ।
धनकुटा नगरपालिकाका प्रमुख प्रशासकीय अधिकृत रामबहादुर थापाको प्रमुख आतिथ्यतामा सम्पन्न समापन कार्यक्रममा सहभागी ३२ जनालाई सहभागिताको प्रमाणपत्र वितरण गरिएको थियो ।
समापन कार्यक्रमलाई सम्बोधन गर्दै थापाले यस कम्युनिटी कोर्स बाट धनकुटा जिल्लाको खेलाडीहरुको खेल विकास गर्ने प्रशिक्षक उत्पादन गर्ने विश्वास व्यक्त गरे ।
एन्फा प्रशिक्षक प्रशिक्षण शाखा प्रमुख सन्जित साहले कम्युनिटी कोर्स गर्नेहरुले फुटबललाई आम मानिसहरुको हेराइबाट नभइ एउटा प्रशिक्षकको रुपमा हेर्नुपर्ने र फुटबल प्रशिक्षणमा अनुशासित भएर लाग्न सहभागी लाई अनुरोध तथा धनकुटाबाट उत्कृष्ट प्रशिक्षक बन्नका लागि शुभकामना व्यक्त गरे ।
एन्फाबाट पछिल्लो समय केहि पनि यस्तो कार्यक्रम संचालन नभएको अवस्थामा धनकुटामा यो प्रकारको कार्यक्रम संचालन गर्न पाएकोमा जिल्ला फुटबल संघका अध्यक्ष मणि चेम्जोङले खुसी व्यक्त गर्दै धनकुटा जिल्लालाई फुटबलमय बनाउन चाँडै ग्रासरुट फुटबल, मेयर कप गोल्डकप लगायतका कार्यक्रम अगाडि बढाइने जानकारी दिए ।
समापन कार्यक्रममा जिल्ला फुटवल संघका पूर्वअध्यक्षहरु गोविन्द राई, धिरेन्द्र मिश्र र शम्भु प्रधान, गोकुन्डेश्वर बालमन्दिर मा.विका प्रधाध्यापक दामोदर मिश्र लगायतको उपस्थिति रहेको थियो ।
समापन कार्यक्रमको संचालन महासचिव सन्देश राई र स्वागत मन्तव्य उपाध्यक्ष पदक श्रेष्ठले बताए ।