धनकुटा । गतमाघ ६ देखि १६ गतेसम्म धनकुटा-५ तल्लो टुँडिखेलमा सम्पन्न प्रादेशिक औद्योगिक व्यापार मेला तथा कृषि प्रदर्शनी एभोकाडो एवं पाँचौ धनकुटा महोत्सवको क्रममा भएको घट्नाको सत्य तथ्य छानमिन गर्न धनकुटा उद्योग बाणिज्य संघले उपाध्यक्ष खगेन्द्र विष्टको संयोजकमा सात सदस्यीय छानमिन समिति गठन गरेको छ ।
धनकुटा उद्योग बाणिज्य संघका अध्यक्ष विजय सन्तोषी राईको अध्यक्षतामा बसेको बैठकले संघका उपाध्यक्ष खगेन्द्र विष्ट संयोजक सदस्य- सचिव श्रीराम रायमाझी र सदस्यहरु राम घिसिङ्ग, उज्वल कर्मचार्य, अम्विका धमला, नविन श्रेष्ठ, लिला श्रेष्ठ रहने गरि छानविन समिति गठन गरेको हो ।
गठित समितिले एक महिना भित्र छानविन गरी धनकुटा उद्योग बाणिज्य संघमा प्रतिवेदन बुझाउनु पर्ने समय सिमा समेत दिएको छ ।
यसैगरी उक्त बैठकले घटनामा परी घाईते भएका विरामीहरुको उचारको लागी विरामीहरु दिएको विल भरपाई छानविन गर्नका लागी अर्का उपाध्यक्ष निर्मला राई श्रेष्ठको संयोजकत्वमा विल भरपाई छानमिन समिति समेत गठन गरेको छ । सो समितिको सदस्य सचिवमा श्रीराम रायमाझी र सदस्यहरुमा रुपेश श्रेष्ठ, अम्बिका धमला, शोभा श्रेष्ठ, महेन्द्र थापा, नगेन्द्र काफ्ले, रिदम श्रेष्ठ रहेको वरिष्ठ उपाध्यक्ष मन कुमारी तितुङ्गले वताइन् ।
महाेत्सवको क्रममा गत माघ १४ गते साँझ अत्याधिक भीडका कारण भीड नियन्त्रण हुन नसक्दा एक आपसमा ठेलमठेला हुँदा ३० जना घाईते भएकोमा १० जना सामान्य घाईते भएकाले उपचार पछि सोही दिन धनकुटा अस्पतालबाटै घर फर्किएको र १८ जनाको वि पि कोईराला स्वास्थ्य विज्ञान प्रतिष्ठान धरान घोपाबाट उपचार पछी अहिले घर फर्किएको र दुई जनाको गोल्डेन अस्पताल विराटनगरमा उपचार भएकोमा एक जना उपचार पछी घर फर्किको र एक जना बालकको उपचार भैरहेकोमा उनको स्वास्थ्य स्थिति अहिले सामान्य रहेको छिटै डिस्चार्ज हुने क्रममा रहेको सचिव श्रीराम रायमाझीले वताए
धनकुटा अस्पतालमा माघ १४ गते राती सम्म इमरजेन्सीमा दर्ता भएका विरामीहरु र जिल्ला प्रहरी कार्यालयको रेर्कडमा भएका विरामीहरुको अपस्तालबाट डिस्चार्ज नभए सम्मको उपचार खर्च व्यहोरेको धनकुटा उद्योग बाणिज्य संघले व्यहोरिरहेको छ ।
बैठकमा निर्वतमान अध्यक्ष उमेश घिमिरे, वरिष्ठ उपाध्यक्ष मनकुमारी तितुङ, उपाध्यक्षहरु खगेन्द्र विष्ट, निर्मला राईलगायतले आआफ्नो धारणा राखेका थिए । प्रादेशिक औद्योगिक व्यापार मेला तथा कृषि प्रदर्शनी एभोकाडो एवं पाँचौ धनकुटा महोत्सव माघ ६ गते देखि माघ १६ गतेसम्म धनकुटा टुँडिखेलमा भव्य रुपमा संचालन भएको थियो ।