धनकुटा । क्यान्सर सम्बन्धी विभिन्न जनचेतनामुलक कार्यक्रमसहित धनकुटामा विश्व क्यान्सर दिवस मनाइएको छ । विश्वव्यापी महामारीका रुपमा फैलिरहेको क्यान्सर रोगविरुद्ध लड्न विश्व समुदाय एकजुट हुनुपर्छ भन्ने सचेतना जगाउने उद्देश्यले फ्रेबुअरी ४ मा विश्वभर क्यान्सर दिवस मनाइन्छ ।
सो अवसरमा नेपाल अर्बुद रोग निवारण संस्था धनकुटा शाखाले बिभिन्न सचेतनामूलक कार्यक्रम आयोजना गरेको छ । यो वर्ष ’हेरचाहमा हुने असमानताको अन्त्य गरौं’ ’क्लोज द केयर ग्याप’ भन्ने नाराका साथ विश्व क्यान्सर दिवस मनाइएको छ ।
सो अवसरमा कार्यक्रमका प्रमुख अतिथी बरिष्ट समाजसेबी धनबहादुर खड़काले बिश्वको जुनसुकै कुनामा रहेपनि शिक्षा र आर्थिक अवस्थाको स्तर जे जस्तो भएपनि क्यान्सर रोगबाट मानिसको अकाल मृत्युबाट बचाउन सबैले समान निदान र उपचार पाउने सुनिश्चितता हुनुपर्ने बताए । उनले क्यान्सर लाग्नै नदिन सचेत हुनुपर्ने बताए । उनले समयमा नै क्यान्सर रोग पत्ता लागे उपचार गर्न सहज हुने भएकाले शिविरमार्फत परिक्षणको दायरा बढाउनु पर्ने बताए ।
यस्तै बिशेष अतिथी दुर्गा लक्ष्मी परोपकार संस्था धनकुटा शाखा सभापति सरस्वती श्रेष्ठले हामीमध्ये धेरैले अनेकन प्रकारका क्यान्सरको कारणले आफन्त, साथीभाई र छिमेकी गुमाउन वाध्य भैरहेका बताए । उनले सचेतनाको कारण पछिल्लो समय विकसित राष्ट्र र मध्यम तथा कम विकसित राष्ट्रबीच क्यान्सर रोगबाट अल्पायुमा हुने मृत्युदरको अन्तर बढ्दै गएको बताए । उनले हाम्रो खानपान, बढ्दो रासायनिक पदार्थको अन्धाधुन्ध प्रयोग, प्रदषणलगायत कारणले क्यान्सर रोगीको संख्या दिनानुदिन बढीरहेकोले क्यान्सर को जनचेतनामुलक कार्यक्रम गाउँ गाउँमा पु¥याउनु पर्ने र सो कार्यक्रममा दुर्गा लक्ष्मी परोपकार संस्थाले सहकार्य तथा सहयोग गर्ने प्रतिवद्धता जनाए ।
कार्यक्रममा शाखाका कोषाध्यक्ष दिपक श्रेष्ठले बढ्दो क्यान्सर रोगीको संख्या कम गर्नु आजको चुनौती भएकाले सबै मिलेर सचेतनामूलक कार्यक्रमलाई अभियानकै रुपमा लानु पर्ने बताए । उनले नेपालमा स्वास्थ्य उपचारमा हुने पहुँचमा कमी, आधुनिक प्रविधिको अभाव, आयश्रोतमा कमी, शिक्षा तथा प्रचारमा कमी, जीवनशैली तथा अन्य अभाव र असमर्थताका कारण मृत्युदर बढी रहेको जानकारी दिए ।
नेपाल अर्बुद रोग निवारण संस्थाका महासचिव महेश श्रेष्ठको अध्यक्षतमा सम्पन्न भएको थियो । श्रेष्ठले क्यान्सर कारक तत्व रूपमा धुमपान, सुर्तिजन्य पदार्थको प्रयोग, खान पान आहार बिहार जस्तै जकंफुड, अखाद्य वस्तु, तरकारी र फलफूलमा विषादीको प्रयोग आदी कारणले क्यान्सर रोगीको दर बढाएको बताए । उनले विषादीमुक्त खाद्य पदार्थमा जोड दिदै बिषादी प्रयोग गरेका खाद्य सामग्री, सागसब्जÞी आदीको अत्यधिक प्रयोगले क्यान्सरले उग्र रूप लिईरहेकोले यसलाई समयमा नै नियन्त्रण गर्न सरकारको ध्यान नपुगेको भन्दै गुनासो गरे ।
सोहि दिन साँझ दिप प्रज्वलन कार्यक्रम समेत आयोजना गरेर समापन गरेका थिए । कार्यक्रमको सञ्चालन उमेश उदासले गरेका थिए । सो अवसरमा शाखाका पदाधिकारीहरुलगायत बिभिन्न संघसंस्थाका पदाधिकारीहरु, समाजसेवी, शिक्षक, विद्यार्थीहरुको सहभागिता रहेको सदस्य जीवन उदासले जानकारी दिए ।