धनकुटा । हिमालयन वैंक लिमिटेड धरान शाखासँगको सहकार्यमा सेवक अभियान धरानले साँगुरीगढी गाउँपालिका वडा नंं ३ का सामुदायिक विद्यालयहरुमा अध्ययनरत विद्यार्थीलाई न्यानो पोशाक तथा शैक्षिक सामाग्री वितरण गरेको छ ।
खुवाफोकको मादेनस्थित भानुभक्त आधारभुत विद्यालयमा आइतवार एक कार्यक्रमको आयोजना गरि वडा भरिका ८ वटा सामुदायिक विद्यालयका ३ सय २८ जना विद्यार्थीहरुलाई न्यानो कपडा स्वीटर तथा टोपी, शैक्षिक सामाग्रीको रुपमा कापीकलम र खाजाको जुस वितरण गरिएको थियो ।
कार्यक्रमका प्रमुख अतिथि साँगुरीगढी गाउँपालिका अध्यक्ष जितेन्द्र राईले विद्यार्थीहरुलाई उक्त सामाग्रीहरु हस्तान्तरण गरेका थिए । कार्यक्रममा वोल्दै गाउँपालिका अध्यक्ष राईले न्यानो पोशाक र शैक्षिक सामाग्री सहयोग प्रति सेवक अभियान र हिमालयन वैंक धरानलाई धन्यवाद व्यक्त गरे । उनले सामाजिक कार्यका लागि गाउँपालिका सहकार्य गर्न सधै तयार हुने समेत बताए । र आगामी दिनमा सहयोगका लागि आग्रह समेत गरे ।
जाडोमा बेला न्यानो पोशाक र शैक्षिक सामाग्री पाउँदा विद्यार्थीहरु दंग देखिन्थे । यस वडा भरिमा ८ वटा सामुदायिक विद्यालय रहेका छन् । खुवाफोक भौगोलिक रुपमा विकटता रहेको र यहाँका सामुदायिक विद्यालयमा अध्ययरत अधिकांश विद्यार्थीहरु विपन्न परिवारका छन् । जाडोको बेला विद्यार्थीहरुलाई पठनपाठन गर्न सहज होस् भन्ने उद्देश्यले वितरण गरिएको सेवक अभियानका महासचिव खगेन्द्र कुँवरले बताए । उनका अनुसार हरेक विद्यार्थीलाई जाडोमा न्यानो हुने स्वीटर र टोपी सँगै कापी, कलम र खाजाको रुपमा जुस प्रदान गरिएको थियो ।
न्यानो पोशाक र शैक्षिक सामाग्री प्राप्त गर्नेमा भानुभक्त आ.वि.का ९३ जना, जलकन्या मा.वि. वेंशीटोलका ८५ जना, जनसेवा आ.वि.का ११ जना, पंचमी आ.वि. खुवाफोकका १३ जना, सिद्धेश्वरी आ.वि. ९४ जना, पंचमी आ.वि. साप्तेनका १० जना, शिरिसे आ.वि.का १२ जना र जनमुखी आ.वि.का १० जना विद्यार्थी रहेका छन् ।
कार्यक्रममा दिइएको जानकारी अनुसार शैक्षिक सामाग्री धरानको प्रदिप कोल्ड सेन्टरले सौजन्य गरेको हो । त्यस्तै विद्यार्थीलाई प्रदान गरिएको खाजा अरविन्द एण्ड व्रदर्श प्रा.लि. धरान–८ ले सौजन्य स्वरुप उपलब्ध गराएको थियो । भने न्यानो पोशाक स्वीटर र टोली हिमालयन वैंक लिमिटेडको संस्थागत सामाजिक उत्तरदायित्व अन्र्तगत र सेवक अभियानको संयुक्त साझेदारीमा वितरण गरिएको थियो । सेवक अभियानका अध्यक्ष राजीव हलवाइको अध्यक्षतामा सम्पन्न कार्यक्रमको संचालन अभियानका महासचिव खगेन्द्र कुँबरले गरेका थिए । कार्यक्रमको स्थानीय व्यवस्थापन भानुभक्त आधारभुत विद्यालयका प्रधानाध्यापक विपना याखाले गरेकी थिइन् । कार्यक्रममा हिमालयन वैंकका प्रतिनिधि, स्थानीय अभिभावक, शिक्षक लगायतको उपस्थिति रहेको थियो ।
