धनकुटा । नेपाली कांग्रेस धनकुटाको जिल्ला सम्मेलनको उद्घाटन गर्न नेपाली कांग्रेसका महामन्त्री गगन कुमार थापा जेष्ठ २५ गते धनकुटा आउने भएका छन्आ ।
नेपाली कांग्रेस धनकुटाका जिल्ला सभापति दिनेश राईको अध्यक्षतामा सम्पन्न बैठकले सम्मेलन धनकुटाको सामुदायिक भवनमा भव्य रुपमा गर्ने निर्णय गर्दै सम्पूर्ण प्रतिवेदनहरु पास गद्रै सम्मेलनको उद्घाटन गर्न महामन्त्री गगन कुमार थापालाई प्रमुख अथितिको रुपमा आमन्त्रण गर्ने निर्णय समेत गरेको जिल्ला सचिव विजय सन्तोषी राईले जानकारी दिए ।
बैठकमा संविधानसभा सदस्य लिला सुब्बा, नेपाली कांग्रेस धनकुटाका उपसभापति सुनिलकुमार डंगोल, सचिव विजय सन्तोषी राई, जयन्द्र घिसिङ्ग, सहसचिव रोशन श्रेष्ठ, कोषाध्यक्ष सरस्वती मगर, जिल्ला सदस्यहरु अम्विका धमला, मिनबहादुर कार्की, नेपाल तरुण दल धनकुटाका अध्यक्ष यूवराज पराजुली लगायतले जिल्ला सम्मेलनलाई सफल बनाउन आ-आफ्नो समितिका तर्फबाट प्रतिवेदन प्रस्तुत गरेका थिए ।
