धनकुटा । नेपाली कांग्रेस धनकुटाको सम्पन्न पदाधिकारीहरुको बैठकले साउन मसान्तसम्म क्रियाशील वितरण र जनप्रतिनिधिहरुको भेला गर्ने निर्णय गरेको छ ।
नेपाली कांग्रेस धनकुटाका सभापति दिनेश राईको अध्यक्षतामा सम्पन्न बैठकले वडा कार्य समितिहरुलाई साउन मसान्तसम्म क्रियाशील वितरण गर्ने र निर्वाचित जनप्रतिनिधिहरुको क्षेत्र, पालिका र वडा सभापतिहरुको भेला दुई क्षेत्रमा छुट्टाछुट्टै गर्ने लगायतका विभिन्न निर्णयहरु गरेको जिल्ला सचिव विजय सन्तोषी राईले वताए ।
बैठकले पार्टी कार्यालयमा हरेक दिन पालैपालो पदाधिकारीहरु अनिवार्य उपस्थित भई जनता र नेता तथा कार्यकर्ताहरुको काम गर्ने समस्याहरुको सहजीकरण गर्न दैनिक उपस्थितिको लागी क्यालेण्डर बनाई कार्यविभाजन गरी निर्णय गरेको र विपि स्मिृती दिवस साउन ६ गते भव्य रुपमा मनाउन सवै भातृ तथा शुभेच्छुक संस्थाहरु र मातहतका सवै समितिहरुलाई निर्देशन र जिल्लामा नेपाल तरुण दल धनकुटालाई कार्यक्रम गर्ने निर्देशन समेत दिने निर्णय गरेको अर्का जिल्ला सचिव विकास घिमिरेले वताए ।
सो अवसरमा नेपाली कांग्रेस धनकुटाका जिल्ला उपसभापति सुनिल डंगोलले भावी कार्यक्रमका सम्वन्धमा जिल्ला सचिव विजय सन्तोषी राईले धनकुटाका सबै पालिकामा भरखर सम्पन्न परिषदको सम्वन्धमा पार्टीले खेलेको भूमिकाको वारेमा, अर्का जिल्ला सचिव विकास घिमिरे र सहसचिव श्रीराम रायमाझीले जिल्लाको समसामयिक राजनैतिक अवस्थाको वारेमा, जिल्ला सहसचिव रोशन श्रेष्ठले क्रियाशील सदस्यता वितरण सम्वन्धी र कोषाध्यक्ष सरसस्वती मगरले लेवी संकलन र आर्थिक अवस्थाको वारेमा प्रस्तुत गरी जानकारी दिए ।
कृषकहरुले बाली लगाउन समय भएकोले यस महिनाको साउन ५ गतेको मासिक बैठक स्थगित गरी भाद्र ५ गते मात्र नियमित रुपमा बैठक वस्ने निर्णय भएको जिल्ला सहसचिव राम वहादुर रायमाझीले वताए ।
