काठमाडौं । नेपाल बार एशोसिएशनको २५औं कार्यसमितिका लागि भएको चुनावमा अध्यक्ष वामपन्थी प्यानलका चण्डेश्वर श्रेष्ठले बाजी मारेका छन् । महासचिवमा भने लोकतान्त्रिक प्यानलका लीलामणि पौडेल बिजयी भएका छन् । यद्यपी मत परिणामको औपचारिक घोषणा हुन बाँकी छ ।
शनिबार भएको निर्वाचनको सोमबारदेखि मतगणना हुँदै आएको बिहीबार अपराह्न सकिएको थियो । विवरणअनुसार अध्यक्षस् चण्डेश्वर श्रेष्ठ, उपाध्यक्षहरुमा प्रदेश नं. १ बाट मानबहादुर रुम्दाली, प्रदेश नं. २ बाट रामचन्द्र सिंह, प्रदेश नं. ३ बाट ईश्वरीप्रसाद भट्टराई, गण्डकी प्रदेशबाट उपाध्यक्ष सुरेन्द्र थापा मगर, प्रदेश नं. ५ बाट सुनिलकुमार श्रेष्ठ, कर्णालीबाट मिनबहादुर महत र सुदुरपश्चिम प्रदेशबाट उमेशप्रसाद बिष्ट विजयी भएका छन् ।
यस मध्ये प्रदेश ५का उपाध्यक्ष सुनिल कुमार श्रेष्ठ कांग्रेस निकटस्थ लोकतान्त्रिक समूहका हुन् । खुलाक्षेत्र उपाध्यक्ष खुलाक्षेत्र महिलामा रक्षा वस्याल र कोषाध्यक्षमा रुद्रप्रसाद पोख्रेल विजयी भए ।
सदस्य दलितबाट मोहन साशंकर, मधेशी/मुस्लिमबाट पञ्चनारायण मण्डल, मधेशी/मुस्लिम खुल्लाबाट वीरेन्द्रकुमार ठाकुर, आदिवासी/जनजातीबाट उपत्यका बाहिरस् विनाकुमारी सिंह (चौंधरी), आदिवासी/जनजाती खुलातर्फ बद्रीनारायण नगरकोटी, महिला उपत्यका बाहिरबाट कल्पनाकुमारी भण्डारी, महिला खुलातर्फ अन्जु कायस्थ, खुला उपत्यका बाहिरबाट डा. शिवराज पण्डित विजयी भएका छन् ।
बाँकी ६ जना सदस्यमा गंगा सागर खत्री, भिमसेन बन्जारा , भुवनप्रसाद निरौला, प्रकाश महर्जन, बालकृष्ण गैरे र खिमानन्द अधिकारीले विजयी भएका छन् ।
यस्तो छ मत परिणाम
