धनकुटा । धनकुटालाई प्रादेशिक राजधानी बनाउने प्रस्तावमा प्रदेशका सबै सांसदहरुलाई मतदान गर्न आव्हान गर्दै सद्भावना ¥याली सम्पन्न भएको छ । वजारका विभिन्न टोलहरुको परिक्रमा पछि ¥याली कोणसभामा परिण भएको थियो ।
सो कोणसभामा जिल्ला समन्वय समितिका प्रमुख टंकबहादुर चुवानले धनकुटालाई राजधानी बनाउन अब अन्तिम र निर्णायक अभियान संचालन गर्नु पर्ने बताए । उनले भूबनौट र हावापानी हरेक दृष्टिकोणबाट धनकुटा राजधानीका लागि उपयुक्र्त रहेको जिकिर गरे । यस्तै कोणसभामा नेकपा धनकुटाका सचिव ऋषिराम ढुंगानाले आफ्नो जन्मभूमीको पहिचान र भविष्य रक्षाका लागी पनि प्रदेश सभा सदस्यहरुले पार्टीको निर्देशन नमानी धनकुटाका पक्षमा प्रस्ताव पेश गर्नुपर्ने धारणा राखे ।
यस्तै नेपाली कांग्रेसका सचिव विजयसन्तोषी राईले धनकुटाबाट प्रदेशसभामा प्रतिनिधित्व गर्ने सांसदहरुले राजधानीको प्रस्ताव दर्ता नगरे उहाँहरुको राजनीतिक भविष्य समाप्त हुने बताए । उनले धनकुटाको अस्तिव रक्षाका लागि भएपनि राजधानी बनाउने प्रस्ताव दर्ता गर्न प्रदेश सांसदहरुलाई आग्रह गरे ।
सो सभामा उद्योग वाणिज्य संघ धनकुटाका अध्यक्ष उमेश घिमिरेले हरेक दृष्टिकोणबाट उपयुक्र्त धनकुटालाई राजधानी बनाउन गरिने प्रस्तावमा समर्थन गर्न प्रदेश सांसदहरुलाई आग्रह गरे । यस्तै नेपाल पत्रकार महासंघ धनकुटाका अध्यक्ष राजेश्वरबहादुर श्रेष्ठ शान्तिसुरक्षा, हावापानी, प्रदेशका सबै जिल्लाबाट पहुँच भएको धनकुटा राजधानीका लागि समर्थन गर्न अनुरोध गरे । उनले संघीयताको मूलमर्म नै समानुपातिक विकास भएको बताउँदै धनकुटा राजधानी भए संघीयताको सिद्धान्त अंिगार हुने बताए ।
प्रादेशिक राजधानी अभियान समितिका संयोजक सुन्दरवाबु श्रेष्ठको अध्यक्षतमा सम्पन्न भए सभामा श्रेष्ठले अबको आन्दोलन निर्णयक हुने बताउँदै अब धनकुटा र विराटनगरमा समेत अभियानलाई सशक्त रुपमा अभियान संचालन गर्नु पर्ने बताए ।
सो सभामा राजनीतिक दलका प्रतिनिधिहरु, समाजसेवी, व्यापारी, नागरिक समाजका व्यक्तित्वहरु, सञ्चारकर्मी, कर्मचारी, विद्यार्थीलगायतको सहभागिता रहेको थियो ।