धनकुटा । ६९ औं कानून दिवस देशभर विभिन्न कार्यक्रमसहित मनाएको छ । यसैक्रममा धनकुटामा अन्तक्र्रिया कार्यक्रमको आयोजना गरी मनाईएको छ ।
कार्यक्रम उच्च अदालत विराटनगर धनकुटा इजलाशका मुख्य न्यायाधीश श्रवणकुमार गौतमको अध्यक्षतामा भएको थियो । सो अवसरमा माननीय गौतमले न्यायको विकल्प न्याय नै भएकोले यसमा भएका कमजारीलाई न्युन गर्दै जनविश्वास दिलाउने गरी न्याय सम्पादन गर्नु पर्ने बताए । सो अवसरमा उनले कानून महंगो भएको भन्दा सूचनाको अभावमा निःशुल्क कानूनी व्यवस्थाका वारेमा असहायहरु न्यायको पहुँचमा पुग्न नसकेको जानकारी दिए । उनले गरिव, असहायलाई निःशुल्क अवैतनिक अधिवक्ताको व्यवस्था गरेको जानकारी दिए ।
यस्तै सो अवसरमा उच्च अदालतका माननीय न्यायाधीश नीता गौतमले विश्वकै पहिलो कानून राजा जयस्थिति मल्लको पालामा बनेको नेपालको कानून भएको जानकारी दिए । उनले नेपालभरमै धनकुटा सबैभन्दा न्याय सम्पादन गर्ने अदालतमा पर्ने जानकारी दिईन । धनकुटामा ९ महिना भन्दा पुरानो कुनै मुद्धा बाँकी नरहेको जानकारी दिईन ।
यस्तै सो अवसरमा जिल्ला समन्वय समितिका प्रमुख टंक चुवानले न्यायमा असहाय, निमुखा तथा पीडित वर्गको सजिलै पहुँच हुनुपर्ने बताए । उनले न्यायालयले दिने निःशुल्क सेवासम्बन्धि जानकारी सर्वसाधारण समक्ष पु¥याउनु पर्ने बताए । उनले न्याालयप्रति जनताको विश्वास बढाउने कार्यक्रम सञ्चालन गर्नु पर्ने बताए ।
सो अवसरमा पत्रकार महासंघका अध्यक्ष राजेश्वरबहादुर श्रेष्ठले सानालाई ऐन, ठूलालाई चैनलाई अपराधीलाई ऐन, नागरिकलाई चैन तथा नेपालको कानून दैवले जानुनबाट नेपालको कानून सबैले जानुमा रुपान्तरण हुनुपर्ने बताए ।
कार्यक्रममा स्वगता मन्तव्य न्यायाधीश बसबता उप्रेतीले गरेकि थिईन ।कार्यक्रम कानून अधिकृत हस्त खड्काले सञ्चालन गरेका थिए । सो अवसरमा सुरक्षा निकायको प्रमुख तथा प्रतिनिधि, विभिन्न कार्यालउका प्रमुख तथा प्रतिनिधि, नागरिक समाजका प्रमुखलगायतको उपस्थिति रहेको थियो ।