धनकुटा २ जेष्ठ ।
नेपाली कांग्रेसले सञ्चालन गरेको राष्ट्रिय जनजागरण अभियानका लागी धनकुटाका ६० वटै वडाहरुमा खटिएका प्रतिनिधिहरुसँग अन्र्तक्रिया गरेको छ । सो कार्यक्रममा ६० वटै वडामा गएर गर्नु पर्ने कामको वारेमा अनुशिक्षण कार्यक्रम सम्पन्न भएको छ । अभियानका लागि आएका केन्द्रिय प्रतिनिधि तथा पूर्वमन्त्री दिपक खड्काले ६० वटै वडामा खटिएका प्रतिनिधिहरु, जिल्ला, क्षेत्र, नगर, गाउँ र वडाका पदाधिकारीहरु र सदस्यहरुलाई अभियानको वारेमा जानकारी दिएका थिए । उनले सो अवसरमा जनजागरण अभियानमार्फत कांग्रेस नयाँ ढंगबाट क्रियाशील हुने बताए ।
नेपाली कांग्रेसका जिल्ला सभापति अग्नी प्रसाद पौडेलको अध्यक्षतमा सम्पन्न कार्यक्रममा पूर्वसभापति मनोहर नारायण श्रेष्ठ, प्रदेशसभाका सांसद लिला सुब्बालगायतले गाउँ गाउँमा नेपाली कांग्रेसलाई वर्तमान सरकारको जनविरोधी कार्यको भण्डाफोर गर्नु पर्ने बताए । उनीहरुले यो सरकार गठन पछि देशमा भ्रष्टाचार र मूल्यबृद्धि बढ्नुका साथै स्वतन्त्र प्रेसलाई अंकुस लगाई अधिनायकवाद लाद्न लागेको भन्दै विरोध जनाएका थिए ।
सो अवसरमा सचिव विजयसन्तोषी राई जनजागरण अभियानको उद्देश्यमाथि प्रकाश पारेका थिए । कार्यक्रममा पार्टीका उपसभापति नवीनकिशोर शाक्य, कोषाध्यक्ष दिनेश राई, जिल्ला सदस्यहरु, क्षेत्र नं. १ का क्षेत्रीय सभापति जितेन्द्र राई , क्षेत्र नं. २ का सभापति इन्द्रिरा थापालगायत ६० वटै वडामा खटिएका प्रतिनिधिहरुको सहभागीता रहेको पार्टी सचिव विजयसन्तोषी राईले जानकारी दिए ।
जिल्लाको ६० वटै वडामा खटिएका प्रतिनिधिहरुले सात दिनसम्म वडामा नै बसी छलफल अन्तत्र्रिmयालगायतका विभिन्न कार्यक्रमहरु संचालन गरी केन्द्रिय प्रतिनिधि र जिल्ला पार्टी कार्यालयमा प्रतिवेदन बुझाउने कार्यक्रम रहेको पार्टी कोषाध्यक्ष दिनेश राईले वताए ।
सो अवसरमा नेकपा परित्याग गरी नेपाली कांग्रेस प्रवेश गरेका महालक्ष्मी नगरपालिका नेकपाका नगर कमिटीका सदस्य सोभित काफ्ले सहित वडा नं. ९ का नेकपाका नेताहरु मानबहादुर कार्की र गंगा बराललाई पूर्वमन्त्री खड्काले पार्टी सदस्यता प्रदान गरेका छन् । उनीहरुलाई टिका तथा खादा लगाई स्वागत गरेका थिए । सो अवसरमा पार्टी प्रवेश गरेका सोभित काफ्ले कामभन्दा कुरा बढी गर्ने नेकपाबाट विकास र समृद्धी सम्भव नहुने भएकाले कांग्रेसमा प्रवेश गरेको बताए । उनले अहिले जनताको आधारभूत आवश्यकता परिपूर्ति गर्न भन्दा प्रचारवाजीमा नेकपा लागेको आरोप लगाए ।
