धनकुटा । दोस्रो वडास्तरीय खुल्ला भलिवल प्रतियोगिताको उपाधी ३ नं. वडाको भलिवल टिम ‘ए’ ले हात पारेको छ । शनिवार सम्पन्न फाइनल खेलमा वडा नं. ७ को भलिवल टिमलाई १८–२५, १९–२५ र २२–२५ को सिधा सेटमा पराजित गर्दै ३ नंं वडाले उपाधी हात पारेको हो ।
उपाधी सँगै विजेता ३ नं. वडाले नगद ४० हजार सहित ट्रफी र मेडल हात पारेको थियो । भने उपविजेतामा सिमित ७ नं. वडाले नगद २० हजार सहित ट्रफि र मेडलमा चित्त
बुझायो ।
३ नं. वडा कार्यालय र धनकुटा नगरपालिकाको सहयोग तथा समृद्धि यूवा क्लवको आयोजनामा धनकुटा–३ स्थित कागतेमा भलिवल प्रतियोगिताको आयोजना भएको थियो । गत बर्ष सम्पन्न पहिलो संस्करणमा ६ नं. वडालाई पराजित गर्दै ७ नं. वडाको भलिवल टिमले उपाधी हात पारेको थियो ।
जेष्ठ १६ र १७ गते गरि दुई दिनसम्म संचालन भएका सो प्रतियोगितामा ३ नं. वडाको ‘ए’ र ‘बी’ सहित १ नं. वडा, ४ नं. वडा र ७ नं. वडा गरि ५ टिमको सहभागिता थियो ।
विजेता टोलीलाई ३ नंं वडाका वडाध्यक्ष विकास घिमिरेले पुरस्कार वितरण गरेका थिए । समापन कार्यक्रममा वोल्दै उनले यूवाहरुलाई खेलकुद तर्फ प्रोत्साहन गर्न प्रतियोगिताको आयोजना गरिएको र आगामी दिनमा समेत निरन्तरता दिने बताए ।
