धनकुटा । ‘स्वास्थ्यका लागि खेलकुल, राष्ट्रको लागि खेलकुद’ भन्ने मुल नाराका साथ एन्फा धनकुटा जिल्ला लिग फुटवल प्रतियोगिता सुरु भएको छ ।
धनकुटा सदरमुकामस्थित तल्लो टुँडिखेलमा वुधवार सम्पन्न उद्घाटन खेलमा देउराली यूवा क्लव र जनचेतना पुस्तकालय हिलेले विजयी सुरुवात गरेको छ ।
उद्घाटनको पहिलो खेलमा देउराली युवा क्लवले न्यू नवप्रभात क्लवलाई ३–२ गोलअन्तरले पराजित गरेको थियो । देउरालीको जीतमा दिपेश शाक्य, नविन माझी र किरण लुङ्गेली मगरले गोल गरेका थिए । भने न्यू नवप्रभातको तर्फवाट शुक्र लिम्बुले दुई गोल गरे ।
दोस्रो खेलमा हिलेको जनचेतना पुस्तकालयले सिरान बजार यूवा क्लवलाई शुन्यका विरुद्ध तीन गोलले पराजित गर्यो । हिलेको जितमा दिपेश राई, प्रतिशोध तामाङ र सावल मल्लले एक÷एक गोल गरेका थिए ।
धनकुटा जिल्ला फुटवजल संघको आयोजनामा सुरु भएको सो प्रतियोगिता आगामी जेष्ठ २९ गतेसम्म संचालन हुनेछ । प्रतियोगितामा जिल्ला भरिका १४ ओटा क्लवहरुको सहभागीता छ ।
सहभागी क्लवलाई चार समुहमा विभाजन गरिएको छ । हरेक समुहका विजेता तथा उपविजेता नकआउट चरणमा प्रवेश गर्ने छन् । र सेमिफाइनल हुँदै फाइनल पुगेका दुई क्लवले उपाधीका लागि प्रतिस्पर्धा गर्नेछन् । जिल्ला लिग विजेता क्लवले धनकुटाको प्रतिनिधित्व गर्दै प्रदेश स्तरीय फुटवल प्रतियोगिता खेल्नेछन् । जिल्ला लिगको उद्घाटन धनकुटा फुटवल संघका अध्यक्ष गोविन्द राईले गरेका थिए ।
विजेता टिमले ट्रफी सँगै नगद २२ हजार र उपविजेताले नगद ११ हजार सहित ट्रफी हात पार्नेछ ।