धनकुटा । धनकुटा सदरमुकाम स्थित तल्लो टुँडिखेलमा जारि जिल्ला स्तरीय एन्फा लिग फुटवल प्रतियोगिता अन्र्तगत शुक्रवार चार खेल संचालन भए ।
विहान सम्पन्न पहिलो खेलमा राजारानीको रारा युवा समाजले मार्गादेवी युवा क्लवलाई शुन्यका विरुद्ध तीन गोलले पराजित गर्यो ।
त्यस्तै दिउँसो सम्पन्न पहिलो खेलमा देउराली युवा क्लवले तांखुवाको नवचुलाचुली क्लवलाई ५–३ गोलअन्तरले पराजित गरेको थियो । दोस्रो खेलमा हिलेको जनचेतना पुस्तकालयले मौनावुधुकलाई शुन्यका विरुद्ध एक गोलअन्तरले हरायो ।
त्यस्तै वुढिमोरङको किरात यूवा क्लव र सिरान बजार युवा क्लव वीचको अन्तिम खेल एक–एकको गोलअन्तरमा टुंगिएको थियो ।
धनकुटा जिल्ला फुटवल संघको आयोजनामा २२ गतेदेखि सुरु प्रतियोगितामा जिल्लाभरका १४ ओटा क्लवको सहभागिता छ । प्रतियोगिता आगामी जेष्ठ २९ गतेसम्म संचालन हुने धनकुटा फुटवल संघका अध्यक्ष गोविन्द राईले बताए ।