धनकुटा । विरेन्द्र लिम्बुले गरेको एक मात्र निर्णायक गोलको मद्दतले ‘प्रथम छथर जोरपाटी–कप २०७६’ को उपाधी चौविसे गाउँपालिकाले जितेको छ ।
छथरजोरपाटी गाउँपालिका–६ स्थित सिँधुवा खेल मैदानमा शनिवार सम्पन्न फाइनल खेलमा छिमेकी साँगुरीगढी गाउँपालिकालाई शुन्यका विरुद्ध एक गोलले पराजित गर्दै चौविसे गाउँपालिकाले उपाधी जितेको हो ।
उपाधी सँगै चौविसे गाउँपालिकाले नगद १ लाख सहित प्रथम पुरस्कारको ट्रफि हात पार्न सफल भयो । त्यस्तै उपविजेतामा सिमित साँगुरीगढी गाउँपालिकाले नगद ५० हजार र उपविजेताको ट्रफिमा चित्त बुझायो ।
खेलअवधिभर साँगुरीगढी गाउँपालिकाले चौविसे गाउँपालिकालाई केही दवावमा राखेपनि गोल गर्न पाएको अवसरलाई चुकाउदा उपाधी जित्नबाट बञ्चित हुनु प¥यो ।
विधागत पुरस्कार तर्फ चौविसेका खेलाडीको वचश्र्व रह्यो । प्रतियोगिताको सर्वोत्कृष्ट खेलाडी चौविसेका विरेन लिम्बु घोषित भए । त्यस्तै चौविसेका रविन लिम्बु उत्कृष्ट डिफेन्डर, सुपर राई उत्कृष्ट गोलकिपर सुपर राई, उत्कृष्ट स्टाइकर आशिष लिम्बु भए । भने साँगुरीगढीका विपिन लिम्बु उत्कृष्ट मिडमिल्डर, उदयीमान खेलाडीको रुपमा छथरजोरपाटीका जितेन्द्र लिम्बु घोषित भए । फाइनल खेलको म्यान अफ दी म्याच चौविसेका रविन लिम्बु घोषित भएका थिए ।
प्रतिनिधि सभाका सदस्य राजेन्द्र राई, छथरजोरपाटी गाउँपालिका अध्यक्ष शेरबहादुर लिम्बु लगायतले खेलाडीहरुलाई पुरस्कार वितरण गरेका थिए ।
छथरजोरपाटी गाउँपालिका खेलकुद विकास समितिको आयोजनामा सुरु भएको सो प्रतियोगिताका प्रायोजक छथरजोरपाटी गाउँपालिका रहेको थियो । त्यस्तै प्राविधिक सहयोग जिल्ला फुटवल संघ धनकुटाले गरेको थियो ।
प्रतियोगितामा धनकुटा नगरपालिका, महालक्ष्मी नगरपालिका, पाख्रिवास नगरपालिका, सहिदभूमि गाउँपालिका, चौविसे गाउँपालिका, साँगुरीगढी गाउँपालिका र आयोजक छथरजोरपाटी गाउँपालिकाको दुई टिम ‘ए’ र ‘वी’ गरि ८ टिमको सहभागिता थियो ।
