नेपाल पत्रकार महासंघ केन्द्रिय समितिले मिडिया काउन्सिल विधेयकविरुद्ध तेस्रो चरणको आन्दोलनका कार्यक्रम घोषणा गरेको छ । दुई चरणको महासंघको आन्दोलन गर्दा पनि सरकार टसमस नभएपछि तेस्रो चरणको आन्दोलन गर्न वाध्य भएको महासंघले जनाएको छ ।
महासंघले दुई चरणको आन्दोलनको समीक्षा गरी तेस्रो चरणको आन्दोलनको कार्यक्रम तय गरेको जनाएको छ । घोषित कार्यक्रमलाई सफलतापूर्वक सम्पन्न गर्न गराउन प्रदेश तथा जिल्ला शाखाहरुलाई परिपत्र जारी गरिएको महासंघले जनाएको छ । महासंघको कार्यक्रमअनुसार तेस्रो चरणका आन्दोलनका कार्यक्रम निम्नअनुसार रहेको छ –
क) असार ३ गते प्रेस स्वतन्त्रताको पक्षमा देशब्यापी हस्ताक्षर संकलन अभियान । (जिल्ला शाखा)
ख) असार ६ गते संकलित हस्ताक्षर जिल्ला प्रशासन कार्यालयमार्फत प्रधानमन्त्रीलाई बुझाउने । (जिल्ला शाखा)
ग) असार १० गते मिडिया काउन्सिल विधयक विरुद्ध कार्टुन प्रर्दशनी । (केन्द्र)
घ) असार १५ गते सबै जिल्ला शाखाहरुले आफ्नो क्षेत्रबाट निर्वा्चित संघीय र प्रदेश सांसदहरुलाई क्ःक् मार्फत् सन्देश पठाएर ध्यानाकर्षण गर्ने ।
ङ) असार २० गते बृहत् ‘प्रेस स्वतन्त्रतासभा’को आयोजना गर्ने । (केन्द्र र प्रदेश समिति)
च) असार २५ गते मध्यान्ह १२ः०० बजे लालटिन जुलुस । (केन्द्र)
छ) असार ३० गते देशव्यापी सिटी जुलुस र सभा । (जिल्ला र केन्द्र)
(नोट ः मिडिया काउन्सिल विधेयक संसद्मा पेश हुने दिन देशव्यापी रुपमा आकस्मिक विरोध प्रदर्शन गर्ने र आवश्यकताअनुसार कार्यक्रमलाई थपघट र परिमार्जित गरिने जनाएको छ ।)
