धनकुटा ३१ असार ।
धनकुटा नगरपालका वडा नं. ५ का प्रत्येक घरलाई विरुवा वितरण गरिएको छ । सो विरुवाहरु बातावरण संरक्षण गर्नका लागी धनकुटा लेडी जेसीज धनकुटाले वितरण गरेका हुन् । सो विरुवा प्रमुख अतिथि धनकुटा नगरपालिका वडा नं. ५ का महिला सदस्य सीता प्रधानले वितरणको शुभारम्भ गरेका थिए । विरुवा वडा नं. ५ का प्रत्येक घरमा वितरण गरिएको थियो । सो अवसरमा प्रमुख अतिथि प्रधानले वातारण संरक्षण र पर्यटन प्रवद्र्धनका लागि लगिएको विरुवाहरु संरक्षण गर्नु पर्ने बताईन् ।
पहिलो चरणमा ८ सय १७ घरलाई ८ सय ५० फुल तथा धुपीको विरुवा वितरण गरिएको धनकुटा लेडी जेसीजका अध्यक्ष प्रमिशा श्रेष्ठले बताईन ।
सो अवसरमा जिल्ला भूसंरक्षण कार्यालयका प्रमुख राजु दाहाल, पत्रकार महासंघका अध्यक्ष राजेश्वरबहादुर श्रेष्ठ, धनकुटा पर्यटन विकास समितिका अध्यक्ष विजय सन्तोषी राई, धनकुटा मिसन मुस्कान पर्यटनका अध्यक्ष कुसुम राना धनकुटा लेडी जेसीजका अध्यक्ष प्रमिसा श्रेष्ठ, उपाध्यक्ष बिमला न्यौपाने, सदस्य मञ्जु पौडेललगायत जेसीजका पदाधिकारी तथा सदस्यहरुले फुल तथा धुपीको विरुवा वितरण गरेका थिए ।
जेसीजका अध्यक्ष प्रमिशा श्रेष्ठको अध्यक्षतामा सम्पन्न भएको कार्यक्रममा स्वागत मन्तव्य सदस्य मञ्जु पाडेलले र कार्यक्रमको संचालन उपाध्यक्ष विमला न्यौपानेले गरेका थिए ।
