धनकुटा, १२ भदौ । धनकुटामा पहिलो पटक मिस धनकुटा आयोजना हुने भएको छ । सो आयोजना यहाँका युवतीहरुमा रहेको लुकेका प्रतिभालाई उजागर गर्ने उद्देश्यले गरिन लागेको जनाएको छ ।
मोनाली इन्टरटेन्टमेन्ट एण्ड इभेन्ट प्रालि काठमाडौंको आयोजनामा यहि भदौं १४ गतेदेखि पहिलो चरणका लागि छनौट गर्ने पत्रकार महासंघको सभा हलमा आयोजित पत्रकार सम्मेलनमा जानकारी दिए । अहिलेसम्म प्रतिस्पर्धाका लागि ५५ जना आएको जानकारी दिए । आएका युवतीहरुमध्ये मिस धनकुटाको पहिलो चरणबाट ३५ जनालाई चयन गरिने आयोजक इभेन्टका अध्यक्ष दिपक बराईलीले जानकारी दिए । छनौट भएकाहरुलाई व्युटिसियन, स्पीच, हिडाईलगायतका तालिम दिईने छ । सो तालिम धनकुटाकै चिप एण्ड बेस्ट होटलमा दिईने जनाएको छ ।
उक्त प्रतियोगिताको ग्राण्ड फिनाले यहि असोज १८ गते फुलपातिका गरिने जनाएको छ । ब्रेन एण्ड ब्युटिफुलका आधारमा विजेता चुनिने अध्यक्ष बराईलीले जानकारी दिए । सो प्रतियोगिताका विजेता यदि मिस नेपालको मापदण्ड पुगेको पाईएमा सिधै प्रतिस्पर्धा गर्न पाउने जानकारी दिए । सो प्रतियोगिताका लागि उचाई न्युनतम ५ फिट ५ ईञ्च र शैक्षिक योग्यता स्नातक हुनु पर्ने अध्यक्ष बराईलीले जानकारी दिए ।
उक्त प्रतियोगिताका विजेताले एक थान स्कुटर, १० लाखको जीवन बिमा, एयर होस्टेज तालिम, थाइल्याण्डको भ्रमण र म्यूजिक भिडियो अभिनयको अवसर पाईने छ । त्यस्तै प्रथम उपविजेतालाई नगद ४० हजार, पाँच लाखको जीवन बीमा, एयर होस्टेज तालिम, थाइल्याण्डको भ्रमण र म्यूजिक भिडियो अभिनय र द्वितीय उप विजेतालाई नगद २० हजार, एयर होस्टेज तालिम, थाइल्याण्डको भ्रमण र म्यूजिक भिडियो अभिनयको अवसर पुरस्कार स्वरुप दिईने आयोजक समितिका निदेशक समिर विकले जानकारी दिए ।
प्रतियोगिताको ग्राण्ड फिनालेमा प्रमुख निर्णायकमा महानायक राजेश हमाल, मिस नेपाल–२००२ की उषा खड्की, नायक तथा गायक बाबु बोगटी, चर्चित निर्माता तथा फिल्म निर्माता रिचा शर्मा रहने जनाएको छ । यसैगरी प्रतियोगिताको सञ्चालन चर्चित गायिका तथा नेपाल आईडलका कार्यक्रम प्रस्तोता रिमा विश्वकर्माले गर्ने छन् । प्रतियोगितामा धनकुटा सांस्कृतिक साँझ २०१९ पनि गरिने जनाएको छ । सो साँझमा चर्चित कलाकार रामकृष्ण ढकाल, जिना बराइली, समिर विक सहभागीतामा रहने आयोजकले जनाएको छ । कार्यक्रमको लागत ४० देखि ४५ लाख लाग्ने आयोजकले अनुमान गरेको छ ।
सो अवसरमा लेडी जेसीका अध्यक्ष प्रमिसा श्रेष्ठ र सदस्य मुना पराजुलीको उपस्थिति रहेको थियो । प्रतियोगिताको स्थानीय सहयोगीहरुमा धनकुटा नगरपालिका, निगाले सिमेन्टस्, धनकुटा उद्योग वाणिज्य संघलगायत संघसंस्थाहरु रहने छन् । प्रतियोगिताका स्थानीय संयोजकमा धनकुटा लेडी जेसिज रहेको छ ।
