धनकुटा । भविष्यका कर्णधार युवा समुदायमा बढ्दो विकृति, बिसंगती न्युनिकरण गर्न ‘म’ अघि बढ्छु अभियान सुरु गरेको छ । प्रदेश १ सरकारले शुरु गरेको अभियान धनकुटामा सोमबारदेखि सुरु गरेको छ । प्रदेश मातहतका १४ वटै जिल्लाका युवालाई लक्षित गरी यो अभियान सुरु गरिएको जनाएको छ ।
सो अभियान धनकुटामा सगरमाथा टिन्स क्लवको आयोजनामा सञ्चालन भएको थियो । सो अभियानमा जिल्लास्थित ९० वटा बिद्यालयका शिक्षक नायकलाई कार्यक्रमको बारेमा जानकारी दिएका थिए ।
सो अभियानले कक्षा ९ देखि १२ मा अध्ययन गर्ने १३ देखि १९ वर्ष उमेर समूहका बिद्यार्थीलाई लक्षित गरिएको जनाएको छ । अभियानले सो समूहका कुलत, दुव्र्यशनमा लागेका विद्यार्थीलाई कुलतबाट जोगाउने लक्ष्य राखिएको जनाइको छ । सो उमेर समूहका बिद्यार्थीलाई सक्षम, जिम्मेवार, चरित्रवान, नैतिक शिक्षा, देशप्रति माया जगाउने, सुसंस्कृति र सामाजिक उत्तरदायी बनाउने लक्ष्य राखिएको छ । प्रदेश सरकारको आन्तरिक मामिला तथा कानुन मन्त्रालयले कार्यविधि तय गरी यो अभियान सुरु गरेको कार्यक्रम संयोजक नवराज राईले जानकारी दिए ।
अभियानअन्र्तगत मन्त्रालयमा मन्त्रीको संयोजकत्वमा निर्देशक तथा अनुगमन समिति, सल्लाहकार समिति, कार्यक्रम कार्यान्वयन तथा संयोजन समिति गठन गरिएको छ । यस्तै जिल्लास्तरमा अनुगमन समिति, प्रत्येक स्थानीय तहमा समन्वय तथा सहजिकरण समिति, सबै बिद्यालयमा कार्यक्रम कार्यान्वयन समिति, बिद्यालय भित्रै सगरमाथा टिन्स क्लव गठन गरिने संयाजक राईले जानकारी दिए ।
अभियानको उद्घाटन गर्दै जिल्ला समन्वय समितिका प्रमुख टंकबहादुर चुवानले किशोर किशोरी भित्रको प्रतिभा, क्षमतालाई उजागर गर्नु पर्ने बताए । उनले चेलिवेटी वेचबिखनविरुद्ध अभियान सञ्चालन गर्न यसले महत्वपूर्ण भुमिका निर्वाह गर्ने बताए । उनले पछिल्लो समय स्कुले बिद्यार्थीहरु लागूऔषधको दलदलमा फसेको प्रति चिन्ता प्रकट गर्दै अभियानले नियन्त्रणका लागि सहयोग गर्ने आशा व्यक्त गरे ।
सो अवसरमा पत्रकार महासंघका अध्यक्ष राजेश्वरबहादुर श्रेष्ठले पहिल्लो समय युवा विद्यार्थीहरुमा राम्रो अंकमा उत्तीर्ण गरी विदेशमा अध्ययन गर्न जाने प्रबृत्ति बढेकोमा चिन्ता प्रकट गरे । उनले एकाति युवा समूह दुव्र्यशनमा फसिरहेको छ भने अर्कोतर्फ देशमा केहि हुदैन भन्ने भावना जागृत हुनु चिन्ताको विषय भएको बताउँदै यसलाई परिवर्तन गर्न अभियान सार्थक हुनुपर्ने बताए ।
कार्यक्रमले शिक्षामुलक कक्षा सञ्चालन, सामाजिक उत्तरदायी, विपद् व्यवस्थापन लगायत ६ वटा कृयाकलापबाट ११ वटा उद्देश्यको परिपुर्ति गर्नु कार्यक्रमको रणनीति रहेको जिल्ला स्तरीय अनुगमन समितिका संयोजक तथा कार्यक्रमका अध्यक्ष प्रमुख जिल्ला अधिकारी डा. कृष्णबहादुर घिमिरेले जानकारी दिए ।
कार्यक्रममा शिक्षक नायकलाई विपद् व्यवस्थापन किशोर किशोरी परिचलान, लागूपदार्थ दुव्र्यशन न्युनिकरण र म अघि बढ्छु, सगरमाथा टिन्स क्लवको बारेमा जानकारी गरिएको थियो ।
पदम रखालले सञ्चालन गरेको कार्यक्रममा स्वागत मन्तव्य शिक्ष इकाई प्रमुख मोहनकुमारी लिंखाले गरेकि थिईन ।
