धनकुटा लेडि जेसिज (प्र.) ले विविध सामाजिक कार्यहरु गर्दै जेसिज सप्ताह मनाईरहेका छन् । सप्ताहको आज तेस्रो दिन जेसिजले छात्रा स्वच्छता अभियानअन्तर्ग छात्राहरुलाई स्यानिटरी प्याड वितरण गरियो ।
धनकुटा नगरपालिका वडा नं. ७ स्थित त्रिवेणी माध्यमिक विद्यालयका छात्राहरूलाई स्वच्छता सम्बन्धि सचेतना जगाउँदै सो स्यानिटेरी प्याड वितरण गरिएको संस्थाका अध्यक्ष प्रमिषा श्रेष्ठले जानकारी दिईन् । अहिलेको युगमा पनि कति छत्राहरु महिनावारी भएको समयमा विद्यालय नआउने गरेको पाईन्छ । यस्तो समयमा अरुलाइृ छुन नहुने भन्ने धार्मिक मान्यता जस्ता भ्रमलाई सचेत गराउँदै सचेतना कार्यक्रम सञ्चालन गरेको उपाध्यक्ष जेसी रवीना श्रेष्ठले जानकारी दिईन् ।
सो कार्यक्रम धनकुटा अस्पतालका मेडिकल सुपरिटेन्डेन्ट डा.अमिताभ ठाकुरको प्रमुख आतिथ्यतामा वितरण गरिएको थियो । कार्यक्रममा विद्यालयका प्रधानाध्यापक इश्वरी अधिकारी उपस्थित रहेका थिए ।
कार्यक्रमको संयोजन कार्यसमितिका उपाध्यक्षद्वय जेसि विसिका श्रेष्ठ र जेसि रबिना श्रेष्ठले गरेका थिए । सो कार्यक्रम धनकुटा लेडि जेसिज (प्र) की अध्यक्ष जेसी प्रमिषाा श्रेष्ठ थापाको अध्यक्षतामा सम्पन्न भएको थियो ।