धनकुटा १४ असोज । आम नेपाली जनताको सुख, शान्ति, समृद्धी तथा देश विकासको कामना गर्दै हिन्दु नेपालीहरुको महान पर्व विजयादशमीको शुभकामना आदानप्रदान गरियो । देशको विकास कुनै एक दलबाट मात्र सम्भव नहुने हुनाले सबै राजनीतिक दलहरु एकजुट भएर विकास निर्माणमा क्रियाशील हुनु पर्ने भन्दै शुभकामना दिएका छन् ।
सो शुभकामना आदानप्रदान कार्यक्रम राष्ट्रिय प्रजातन्त्र पार्टी संयुक्त धनकुटाद्वारा आयोजित विजयादशमी, दिपावली, नेपाल संवत्, छठ, मंसिरे चाड, ल्होसारलगायत यो वर्षको सबै जातजातिहरुको पर्वको अवसर पारेर आयोजना गरिएको थियो ।
सो अवसरमा प्रमुख जिल्ला अधिकारी डा. कृष्णबहादुर घिमिरे, नेपाली कांग्रेस जिल्ला सचिव विजयसन्तोषी राई, समाजवादी पार्टी जिल्ला अध्यक्ष बलबहादुर राई, प्रहरी नायव उपरीक्षक विजयराज पण्डित, सशस्त्र प्रहरी नायव उपरीक्षक सचिन कर्माचार्यको उपस्थिति रहेको थियो । यस्तै कार्यक्रममा पत्रकार महासंघ १ नम्वर प्रदेश उपाध्यक्ष स्मिता निरौला, पत्रकार महासंघ जिल्ला अध्यक्ष राजेश्वरबहादुर श्रेष्ठ, नागरिक समाजका अध्यक्ष द्रोण गुरागाई, जीपी कोईराला फाउण्डेशन धनकुटाका उपाध्यक्ष राजेन्द्र पौडेल, प्रेस संगठनका इश्वर थापा लगायतको उपस्थिति रहेको थियो ।
पार्टीका जिल्ला अध्यक्ष लक्ष्मी सुब्बाको अध्यक्षतमा भएको शुभकामना आदान प्रदान कार्यक्रममा पार्टीका सदस्य मिन कार्की, मानबहादुर मिश्र, पार्टीको भातृसंगठन युवा संगठनका जिल्ला अध्यक्ष रमेश थापाले अथितिहरुलाई फुलको गुच्छा दिई स्वागत गर्दै शुभकामना आदानप्रदान गरेका थिए । होटल प्याशिफिकमा आयोजित कार्यक्रमको संचालन पार्टीका सदस्य मानबहादुर मिश्रले गरेका थिए ।
कार्यक्रममा पत्रकार महासंघका निर्वमान अध्यक्ष खगेन्द्र घिमिरे, फोनिज १ नम्वर प्रदेशका महासचिव विदुर खवास, फोनिज जिल्ला अध्यक्ष सन्तवीर लामा, पत्रकार महासंघका सदस्यहरु बिनोद घिमिरे, कविराज घिमिरेलगायत पत्रकारहरु र पार्टीका नेता तथा कार्यकर्ताहरुले एकापसमा शुभ कामना आदानप्रदान गरेका थिए ।
