धनकुटा । लोकतन्त्रको पहिलो आधार भनेको प्रेस स्वतन्त्रता हो । अभिव्यक्ति स्वतन्त्रता र प्रेस स्वतन्त्रता विना लोकतन्त्र स्थायित्व हुन सम्भव छैन । सो कुरा नेपाल प्रेस यूनियन धनकुटाले आयोजना गरेको विजयादशमी, दिपावली, छठ, नेपाल सम्वत, मंसिरे चाड, ल्होसारको पर्वहरुको शुभकामना आदान प्रदान कार्यक्रमका सहभागीहरुले बताएका हुन् ।
सो कार्यक्रममा प्रमुख अतिथि कांग्रेस जिल्ला सभापति अग्नी प्रसाद पौडेल, १ नम्वर प्रदेशसभाका सासंद लिला सुब्बा, जिल्ला समन्वय समितिका प्रमुख टंकबहादुर चुवान, प्रमुख जिल्ला अधिकारी डा. कृष्णबहादुर घिमिरे, प्रहरी उपरीक्षक सुर्दशनप्रसाद कोईरला, सशस्त्र प्रहरी नायव उपरीक्षक सचिन कर्माचार्य, नेपाल प्रेस युनियनका केन्द्रिय उपाध्यक्ष विजय सन्तोषी राई, नेकपाका जिल्ला सचिव ऋषिराम ढुंगाना, कांग्रेस जिल्ला उपसभापति नवीन किशोर शाक्य, कोषाध्यक्ष दिनेश राई, पत्रकार महासंघका अध्यक्ष राजेश्वरबहादुर श्रेष्ठ, रेडियो नेपाल प्रदेश प्रशारण केन्द्र धनकुटाका प्रमुख रमेश पौडेल, उद्योग बाणिज्य संघका उपाध्यक्ष तारा तितुङ, भुतपूर्व सैनिक संघका केन्द्रिय सदस्य तथा जिल्ला अध्यक्ष धनबहादुर खड्कालगायतले लोकतन्त्रको सुन्दर पक्ष भनेकै अभिव्यक्ति तथा प्रेस स्वतन्त्रता भएको बताउँदै शुभकामना व्यक्त गरेका थिए ।
युनियनकी अध्यक्ष हिमा चेम्जोङको अध्यक्षमा सम्पन्न कार्यक्रमा निर्माण व्यावसायी संघका सहकोषध्यक्ष चन्द्र सिंह नेम्वाङ, धनकुटा एन्स्टिच्युट अफ हेल्थ साईन्सका निर्देशक रामनारायण प्रसाद रामालगायतले शुभकामना आदानप्रदान गरेका थिए । कार्यक्रमको संचालन युनियनका सचिव विकास घिमिरेले गरेका थिए ।
