मारेककटहरेमा शुभकामना आदानप्रदान
धनकुटा । महालक्ष्मी नगरको विकास कृषि र पर्यटनबाट गर्न सकिने बताईएको छ । सो कुरा महालक्ष्मी नगरपालिकाको मारेककटहरेको मुलखर्कमा आयोजित दशै तिहार तथा नेपाल सम्वत र मसिरे चाडलगायतको चाडपर्वहरुको अवसरमाख शुभकामना आदानप्रदान कार्यक्रममा सहभागीहरुले बताएका हुन् ।
नेपाली कांग्रेस महालक्ष्मी नगर वडा नं. २ वडाकमिटी तथा नेपाल विद्यार्थी संघ काठमाण्डौ धनकुटा सम्र्पक समितिद्वारा आयोजना गरिएको सो कार्यक्रममा नेपाली कांग्रेसका जिल्ला सभापति अग्नीप्रसाद पौडेलले महालक्ष्मी नगरलाई कृषि पर्यटनबाट समृद्धी बनाउन सकिने बताए । उनले वर्तमान सरकारमा दुईतिहाईको दम्भ पलाएको आरोप लगाए ।
सो कार्यक्रममा कांग्रेस जिल्ला सचिव विजयसन्तोषी राई, कोषाध्यक्ष दिनेश राई, पूर्व जिल्ला सहसचिव राजन पौडेल, महालक्ष्मी नगर समितिका सभापति तथा वडा नं. २ का वडाध्यक्ष ध्रुव राय, नेकपाका प्रतितिधि पुष्प कटुवाल, नेपाल तरुण दलका क्षेत्रीय अध्यक्ष तिलक महत, नेविसंघका जिल्ला अध्यक्ष बालानन्द दाहाल, नेविसंघ धनकुटा वहुमुखी क्याम्पसका अध्यक्ष करुणा कटुवाल, नेविसंघ धनकुटा काठमाण्डौ सम्पर्क समितिका अध्यक्ष सविन पोखरेललगायतले समृद्ध महालक्ष्मी नगर र सम्पन्न महालक्ष्मी नगरवासी बनाउन कृषि र पर्यटनको विकास गर्नु पर्ने बताएका थिए । कार्यक्रमको सञ्चालन युवानेता रमेश बस्नेतले गरेका थिए ।
नेपाली कांग्रेस महालक्ष्मी नगर वडा नंं. २ का वडा सभापति हिक्मत बुढाथोकीको अध्यक्षतमा सम्पन्न कार्यक्रममा स्थानीय नारद कटुवाल, भेषबहादुर पौडेल, रामकाजी रोगु, बाबुराम पौडेल, ममता थापा, लेखनाथ पौडेल, दिलबहादुर राय, भोगेन्द्र गुरागाई, निर बहादुर कटुवाल, भीम गुरुङ, दिनेश थापा, कृष्णमाया कटुवाल, नारायण पोखरेल, सोभित पोखरेललगायतले शुभकामना व्यक्त गरेका थिए ।

Dhankuta News