धनकुटा । नेपाली कांग्रेस पूर्व जिल्ला सदस्य तथा नेपाल दलित संघका पूर्व जिल्ला कोषाध्यक्ष इन्द्रबहादुर परियारको आज निधन भएको छ ।
धनकुटाको दलित आन्दोलनकर्मी तथा कांग्रेसका पूर्व सदस्य तथा नेपाल दलित संघ का पूर्व कोषाध्यक्ष इन्द्रबहादुर परियारको पनधन भएको हो । उनको पार्थिव शरीरलाई मूलघाटमा चार झण्डा ओढाई भावपूर्ण श्रद्धाञ्जली दिई अन्त्यष्टि गरियो ।
परियारको पार्थिक शरीरमा कांग्रेस जिल्ला सचिव विजयसन्तोषी राई, कोषाध्यक्ष दिनेश राई, धनकुटा नगरपालिका वडा नं. ५ का वडाध्यक्ष धनकुमार राई, वडा नं. ६ का वडाध्यक्ष नरेश श्रेष्ठले पार्टीको झण्डा ओढाएर श्रद्धाञ्जली दिएका थिए ।
स्वर्गीय परियारलाई लामो समयदेखि दम र श्वासप्रश्वास सम्बन्धि समस्या थियो । ७० वर्षको उमेरमा निधन भएका परियारका एक श्रीमती कल्पना परियार, छोरा दलित संघका सदस्य किशोर परियार, बुहारी कांग्रेस जिल्ला सदस्य एवं धनकुटा नगरपालिका वडा नं. ५ का वडा सदस्य अम्विका परियार, कान्छा छोरा प्रदिप परियार र छोरी मथुरा नेपाली छन् ।
स्वर्गीय परियारको आजै मूलघाटमा दाहसंस्कार गरिएको छ । धनकुटा ५ निवासी परियारको निधनले धनकुटाको दलित आन्दोलनमा अपुरणीय क्षति पुगेको कांग्रेस जिल्ला सचिव विजय सन्तोषी राईले बताए ।