धनकुटा माघ ३ । सहिद रामकृष्ण श्रेष्ठ १ नं. प्रदेशस्तरीय महिला फुटबल प्रतियोगिताको शुरु भएको छ । सो प्रतियोगिताको उद्घाटन प्रतिनिधि सभाका सांसद राजेन्द्रकुमार राईले गरेका थिए । उनले नेपालमा फुटबल खेलको ठूलो संभवाना रहेको बताउँदै अब खेलेर पनि जीवन निवार्ह गर्न सकिने अवस्था आएको बताए ।
सो अवसरमा प्रदेशसभाका सांसद लिला सुब्बा, जिल्ला समन्वय समितिका प्रमुख टंकबहादुर चुवान, धनकुटा नगपालिकाका प्रमुख चिन्तन तामाङ, प्रतिष्ठानका सल्लाहकार विजयसन्तोषी राईले सहिद श्रेष्ठलगायत सहिदहरुको बलिदानले नै लोकतन्त्र स्थापना भएको उल्लेख गर्दै नेपाललाई खेलकुदकै माध्यमबाट विश्व सामु चिनाउन सक्ने संभावना रहेको बताए ।
सहिद रामकृष्ण श्रेष्ठ स्मृति प्रतिष्ठानका अध्यक्ष ईश्वरबहादुर श्रेष्ठको अध्यक्षतामा सम्पन्न कार्यक्रममा स्वागत मन्तव्य प्रतिष्ठानका उपाध्यक्ष सत्यनारायण श्रेष्ठले र संचालन अधिकारकर्मी सुमना तिम्सिनाले गरेकी थिईन ।
सो अवसरमा सहिद भीमनारायण श्रेष्ठकी धर्मपत्नी लक्ष्मीदेवी श्रेष्ठ, सहिदपुत्र मनोजनारायण श्रेष्ठ, सहिद डगल सिंह लिम्बुका सुपुत्र कृष्ण गोविन्द चेम्जोङलाई सांसद राई र प्रतिष्ठानका अध्यक्ष श्रेष्ठलगायत पदाधिकारीहरुले सम्मान पत्र प्रदान गरी सम्मान गरेका थिए ।
प्रतियिोगिताको आज धरान महिला फुटबल टिम सुनसरी र मोरंग बिच भएको खेलमा मोरङले धरान सुनसरीलाई २ को विरुद्ध ४ गोल गर्दै सेमीफाईनल प्रवेश गरेको छ । उक्त खेलमा मोरङ ११ की पवित्रा मगरलाई ओमेन अफ दी म्याच प्रायोजक प्याब्सनका निर्वतमान अध्यक्ष ज्ञानबहादुर गुरुङले नगद पुरस्कार र प्रमाण पत्र प्रदान गरेका थिए ।
भोलीको पहिलो खेल धनकुटा फुटबल संघ र इलाम ११ वीच र दोस्रो खेल कन्काई नगरपालिका महिला टिम झापा र पाँचथर जिल्ला फुटबल संघ वीच हुने प्रतियोगिताका टिम व्यवस्थापन समितिका संयोजक सुमन श्रेष्ठले जानकारी दिए ।
प्रतियिोगितामा धनकुटासहित धरान, मोरङ, झापा, पाँचथर, इलाम, उदयपुर र ताप्लेजुंङ गरी जम्मा ८ जिल्लाका टिमले भाग लिईरहेको धनकुटा फुटबल संघका अध्यक्ष गोविन्द राईले जानकारी दिए ।
प्रतियिोगितामा प्रथम र दोस्रो हुने टिमलाई क्रमशः नगद एक लाख र ५० हजारसहित कप, मेडल, प्रदान गरिने छ । यस्तै प्रत्येक खेलमा ओमेन अफ दी म्याचलगायत विषयगत पुरस्कारप्रदान गरिने प्रतियिोगिता आयोजक समितिका सदस्य सावित्री श्रेष्ठले बताईन ।
सहिद श्रेष्ठ विराटनगरमा तत्कालीन राजा वीरेन्द्र शाह २०३० साल चैत्र ३ गते सवारी हुदाँ प्रजातन्त्र पुनस्र्थापनाका लागि दवाव दिन बम विस्फोट गराउँदा सहादत प्राप्त गरेका थिए । धनकुटा नगरपालिका वडा नं. ७ निवासी हुलाकटोल सहिद श्रेष्ठलाई २०७४ साल माघ ३ गते तत्कालीन शेरबहादुर देउवाको नेतृत्वको सरकारले सहिद घोषणा गरेका थिए । सोहि दिनको अवसर पारेर प्रतिष्ठानले प्रतियोगिताको आयोजना गरेको प्रतिष्ठानका उपाध्यक्ष सत्यनारायण श्रेष्ठले जानकारी दिए ।
