धनकुटा ५ माघ । धनकुटामा जारी सहिद रामकृष्ण श्रेष्ठ १ नं. प्रदेशस्तरीय महिला फुटबल प्रतियोगिताको आज सम्पन्न खेलमा चौदण्डीगढी नगरपालिका उदयपुरलाई पराजित गर्दै कर्णसिंह सोनाम फुटबल क्लव ताप्लेजुङ्ग सेमिफाईनमा प्रवेश गरेको छ । आजको खेलमा चौदण्डीगढीलाई २ गोलको विरुद्ध ३ गोल गर्दै कर्णसिंह सोनाम सेमिफाईनमा प्रवेश गरेको धनकुटा जिल्ला फुटबल संघका अध्यक्ष गोविन्द राईले जानकारी दिए ।
सो गोल्डकपको ओमेन अफ दी म्याच कर्णसिंहका जर्सी नं. ९ की अनुष्का शेर्पा भईन । उनलाई नेपाल पत्रकार महासंघ धनकुटाका अध्यक्ष राजेश्वरबहादुर श्रेष्ठ, प्रतिष्ठानका अध्यक्ष इश्वरबहादुर श्रेष्ठ, र सहिद श्रेष्ठकी बैनी उमालक्ष्मी श्रेष्ठलगायतले मेडल, प्रमाण पत्र र नगद पुरस्कार प्रदान गरेका थिए ।
सो पुरस्कारको प्रायोजन निशान ग्रील उद्योग धनकुटा ७ का प्रोपाईटर शैलेस श्रेष्ठले गरेका थिए ।
भोली सोमवार दुई वटा सेमिफाईनलका खेल हुने छ । पहिलो सेमिफाईनल खेल मोरंग ११ र कन्काई नगरपालिका महिला टिम झापा र दोस्रो सेमिफाईनल खेल धनकुटा फुटबल संघ र आजको विजेता कर्णसिंह सोनामवीच हुने टिम व्यवस्थापन समितिका संयोजक सुमन श्रेष्ठले बताए ।