धनकुटा ५ माघ । धनकुटामा जारी सहिद रामकृष्ण श्रेष्ठ १ नं. प्रदेशस्तरीय गोल्डकप महिला फुटबल प्रतियोगिताअन्तर्गत आज भएको दुई सेमिफाईनल खेलमा मोरङ ११ र धनकुटा फुटवल क्वल विजयी भएको छ । सेमिफाईनल खेलअन्तर्गत भएको खेलमा मोरङले कन्काई नगरपालिका महिला टिम झापालाई र दोस्रो सेमिफाईनल खेलमा धनकुटा फुटबल संघले र कर्णसिंह सोनाम फुटबल क्लव ताप्लेजुङलाई पराजित गर्दै फाईनलमा प्रवेश गरेका छन् ।
आज भएको पहिलो सेमिफाईनल खेलमा मोरङ र झापावीच भएको खेलमा दुवै टिमले निर्धारित समयमा कुनै गोल गर्न नसकि खेल वरावर भएको थियो । खेल गोलरहित भएपछि ट्राईबेकरमा मोरङले २ गोल र झापाले १ गोल मात्र गर्न सफल भयो । एक गोलको अन्तरले मोरङ फाईनलमा पुग्न सफल भयो ।
यस्तै दोस्रो सेमिफाईनल खेलमा धनकुटा फुटबल संघले कर्णसिंह सोनाम फुटबल क्लव ताप्लेजुङलाई शून्यकाविरुद्ध एक गोल गर्दै फाईनल प्रवेश गर्न सफल भयो । सो एकमात्र गोल दोस्रो हाफको २४ मिनेटमा ११ नं. जर्सीका सध्या रम्तेलले गरेकी थिईन । भोलीको खेल मोरङ र धनकुटावीच दिनको २ वजे हुने टिम व्यवस्थापन समितिका संयोजक सुमन श्रेष्ठले जानकारी दिए ।
प्रतियोगिताको पहिलो खेलका ओमेन अफ दी म्याच मोरङकी गोल रक्षक कल्पना क्षेत्री घोषित भईन । उनलाई सहिद श्रेष्ठकी बहिनी उमा लक्ष्मी श्रेष्ठ, प्रमुख जिल्ला अधिकारी डा. कृष्णबहादुर घिमिरे, सशस्त्र प्रहरी बलका गुल्मपति डिएसपी सचिन कार्माचार्यले नगद पुरस्कार, मेडल तथा प्रमाण पत्र प्रदान गरेका थिए ।
यस्तै दोस्रो खेलमा ओमेन अफ दी म्याच धनकटाका सध्या रम्तेल घोेषित भईन । उनलाई सो पसरस्कारका प्रायोजक युवा व्यवसायी तथा इष्ट विएन कन्ट्रक्सनका प्रोपाईटर बलदिप राई (बलबहादुर) ले गरेका थिए । उनलाई गोल्डमेडेल, प्रमाणपत्र सहित नगद पुरस्कार बलदीप राई, नागरिक समाजका अध्यक्ष सुन्दरवाबु श्रेष्ठ र पुरस्कार तथा सम्मान समितिका संयोजक विजय सन्तोषी राईले प्रदान गरेका थिए ।
भोलीको फाईनल खेल दिनको १२ बजे धनकुटा फुटबल संघ र मोरङ ११ विच हुने जिल्ला फुटबल संघ धनकुटाका अध्यक्ष गोविन्द राईले वताउनु भयो ।