आस्थाको आधारमा शिक्षकलाई विभेद् नगरौं

धनकुटा ४ फागुन । नेपाल शिक्षक संघ पाख्रिवासको प्रतिनिधि सभा सम्पन्न भएको छ । सो अवसरमा संविधान सभा सदस्य तथा नेपाली कांग्रेस धनकुटाका पूर्व सभापति मनोहरनारायण श्रेष्ठले गुणस्तरीय शिक्षले मात्र देशलाई विकासको मार्गमा डोहो¥याउने बताए । उनले यदि कुनै मुलुकमा एक जना चिकित्सक खराव निस्किए एक परिवारले दुःख पाउँछन् तर शिक्षक खराव निस्किए समाजले नै दुःख पाउने बताउँदै शिक्षकहरुको समाजमा थप जिम्मेवारी रहेको बताए ।
सो अवसरमा सो अवसरमा महासमिति सदस्य तथा पूर्व उपसभापति अजित नारायण सिंह थापा, नेपाली कांग्रेस धनकुटका सचिव विजय सन्तोषी राई,कोषाध्यक्ष दिनेश राई, शिक्षक संघका जिल्ला अध्यक्ष थिरेन्द्रबहादुर लिम्बु, जिल्ला सदस्य ज्ञानु गुरुङ्गलगायतले मन्तव्य राखेका थिए । उनीहरुले मुलुकलाई सुखी र समृद्ध बनाउन गुणस्तरीय र उत्पादनमुलक व्यावसायिक शिक्षाको आवश्यकता हुने बताए ।
नेपाल शिक्षक संघ पाख्रिवास नगर कार्य समितिका अध्यक्ष सन्तोष खड्काको अध्यक्षतामा सम्पन्न प्रतिनिधि सभामा गोर्खबहादुर पिठाकोठे मगर, क्षेत्रीय सचिव हरीबहादुर राई, मगर संघ जिल्ला अध्यक्ष लेखबहादुर गाम्छाकी, शिक्षक संघका जिल्ला उपाध्यक्ष दिलकुमारी राई, संघका पूर्व जिल्ला सदस्य बिनोद सुवेदी, संघ छथरजोरपाटीका अध्यक्ष हरी प्रसाद दाहाल, संघका केन्द्रिय प्रतिनिधि दिपेन्द्र राई, समितिका पदाधिकारी तथा सदस्यहरुको सहभागीता रहेको थियो ।
सो अवसरमा सहभागी शिक्षकहरुले शिक्षकहरुलाई आस्थाको आधारमा विभेद् नगर्न आग्रह गरेका छन् । सभाले सबै शिक्षकहरुलाई समान व्यवहार समान तलव र समान अधिकार हुनु पर्ने निर्णय गरेको छ ।

Dhankuta News