धनकुटा ७ फाल्गुण । आज प्रजातन्त्र दिवस विभिन्न कार्यक्रमहरुको आयोजना गरी देशभर भव्य रुपमा मनाइएको छ । सो अवसरमा प्रजातन्त्र तथा स्वच्छ र नियमित निर्वाचनबाट सहि जनप्रतिनिधि चयन हुने हुनाले देश समृद्धी हुने बताए । सो कुरा धनकुटामा आयोजित ७० औं प्रजातन्त्र दिवसको अवसरमा आयोजित कार्यक्रममा सहभागी वक्ताहरुले बताएका हुन् ।
प्रजातन्त्र दिवस मुल समारोह समिति धनकुटाद्वारा आयोजित प्रजातन्त्र दिवस कार्यक्रममा प्रमुख अतिथि प्रतिनिधि सभाका सदस्य राजेन्द्रकुमार राईले राजनीतिक क्रान्ति पुरा भएकोले अब आर्थिक क्रान्ति गरी जनतालाई सुखी र मुलुकलाई समृद्धी बनाउन सकिने बताए ।
कार्यक्रममा १ नम्वर प्रदेश सभाका न्याय प्रशासन तथा विधायन समितिका सभापति इन्द्रमणी पराजुलीले लोकतन्त्रमा सबै जातजातिको समान विकास हुने हुनाले लोकतन्त्रको संस्थागत विकास गरी मुलुकमा दीगो शान्ति र सुरक्षा स्थापना गर्नसवै एकजुट भएर लाग्नु पर्ने बताए ।
कार्यक्रम जिल्ला समन्वय समितिका प्रमुख टंकबहादुर चुवानको अध्यक्षतमा सम्पन्न भएको थियो । सो कार्यक्रममा पूर्वसांसद गोपाल गुरागाई, प्रमुख जिल्ला अधिकारी डा.कृष्णबहादुर घिमिरे, नेपाली कांग्रेसका जिल्ला सचिव विजय सन्तोषी राई, नेपाल पत्रकार महासंघका जिल्ला अध्यक्ष राजेश्वरबहादुर श्रेष्ठले प्रजातन्त्र दिवसको महत्वको वारेमा प्रकाश पार्दै लोकतन्त्र तथा प्रजातन्त्रमा मात्र नागरिकहरुको अधिकार स्थापना हुने र देश समृद्धी हुने बताए । कार्यक्रममा प्रदेश सभाका सदस्यहरु माननीय कुसुमकुमारी श्रेष्ठ, माननीय रामचन्द्र तुम्बा, जिल्ला समन्वय समितिका उपप्रमुख बंगला राई, धनकुटा नगरपालिकाका उपप्रमुख सकुन्तला बस्नेत, जिल्ला प्रहरी कार्यालयका एसपी सुर्दशन कोईराला, सशस्त्र प्रहरी बल ६ नम्वर छिन्ताङ्ग गुल्मका गुल्मपति डिएसपी सचिन कर्माचार्य, राष्ट्रिय अनुसन्धान कार्यालय प्रमुख सञ्जय मण्डललगायत जिल्लाका स्थित विभिन्न कार्यालयका प्रमुखहरु, संघ संस्थाहरुका प्रमुखहरु, विभिन्न विद्यालयका शिक्षक, विद्यार्थीहरुको सहभागीता रहेको थियो ।
कार्यक्रम शुरु हुनु अघि भीमनारायण चौकबाट ¥यालीले बजारको परिक्रममा गर्दै त्रिवेणी माविमा पुगेकाृ थियो । उक्त कार्यक्रममा बहुमुखी पाठशालाबाट हालै आयोजित नटराज नृत्य प्रतियोगिताका विजेता प्रतियोगी कलाकारहरुले देशभक्तिपूर्ण आकर्षक नृत्यहरु प्रस्तुत गरेका थिए ।
प्रजातन्त्र दिवसकै अवसरमा हिजो कृषि पर्यटन महिला अभियानले जिल्ला अस्पतालका विरामीहरुलाई फलफुल वितरण गरेका थिए । यस्तै भोली ८ गते राजनीतिक दल र कर्मचारीवीच महिला तथा पुरुष फुटवल प्रतियोगिता आयोजना हुने संस्थाका अध्यक्ष तारा तितुङले जानकारी दिए ।
