धनकुटा १९ फाल्गुण । नेपाली कांग्रेस जिल्ला कार्य समितिले नेपाली कांग्रेसको आमन्त्रित केन्द्रिय सदस्यमा जिल्ला पूर्व सभापति मनोहरनारायण श्रेष्ठ मनोनित भएकोमा बधाई दिदै सम्मान गरिएको छ । सो अवसरमा जिल्ला सभापति अग्नीप्रसाद पौडेल, १ नम्वर प्रदेशका सांसद लिला सुब्बा, उपसभापति नवीन किशोर शाक्य, सचिव विजयसन्तोषी राई, कोषाध्यक्ष दिनेश राईलगायत कांग्रेसका नेता तथा कार्यकर्ताहरु, भातृ तथा शुभेच्छुक संस्थाका प्रमुख तथा प्रतिनिधिहरुले माला र टिका लगाई दिई बधाई दिदै सफल कार्यकालको लागी हार्दिक शुभकामना दिएका थिए ।
सो अवसरमा हालै केन्द्रिय समितिमा आमन्त्रित सदस्य मनोनित भएका श्रेष्ठले केन्द्रिय समितिले आफुलाई केन्द्रिय समितिमा मनोनित गरेर आफ्नो मात्र नभई धनकुटा कांग्रेस कै सम्मान गरेको बताए । उनले आफुले जिल्लाको संगठन विस्तार र सुदृढीकरणका लागी जिल्ला र केन्द्र विच पुलको रुपमा काम गर्ने बताए ।
जिल्ला सभापति अग्नी प्रसाद पौडेलको अध्यक्षमा सम्पन्न कार्यक्रममा प्रदेश सभा सदस्य लिला सुब्बाले पूर्व जिल्ला सभापति श्रेष्ठलाई आमन्त्रित केन्द्रिय सदस्य मनोनित भएकोमा बधाई दिदै जिल्लाको पार्टी विस्तारमा थप सहयोग पुग्ने बताए । उपसभापति नवीन किशोर शाक्यले धन्यवाद मन्तव्य दिएको कार्यक्रममा कोषाध्यक्ष दिनेश राईले स्वागत मन्तव्य र कार्यक्रमको संचालन सचिव विजय सन्तोषी राईले गरेका थिए ।
