धनकुटा । धनकुटा उद्योग बाणिज्य संघमा विजयसन्तोषी राईको अध्यक्षतामा १९ सदस्यीय नयाँ कार्यसमिति सर्वसम्मत् रुपमा चयन भएको छ । सबै पदहरुमा एकएक जनाको मात्र उम्मेद्वारी परेको हुनाले निर्विरोध निर्वाचित भएको निर्वाचन समितिका प्रमुख आयुक्त विकास प्रधानले जानकारी दिए ।
निर्विरोध निर्वाचित हुनेहरुमा वरिष्ठ उपाध्यक्षमा मनकुमारी तितुङ्ग (तारा), उपाध्यक्ष खगेन्द्र कुमार विष्ट, उपाध्यक्ष कृष्णराज श्रेष्ठ, महिला उपाध्यक्षमा निर्मला राई श्रेष्ठ, महासचिवमा रामबहादुर गोङ्वा, सचिवमा रामबहादुर राय र कोषाध्यक्षमा रुपेश श्रेष्ठ चयन भएका हुन् । यस्तै खुल्ला सदस्यहरुमा अम्बिका धमला, नगेन्द्र काफ्ले, नविन श्रेष्ठ, महेन्द्र थापा, राम तामाङ चयन भएका छन् । यस्तै महिला सदस्यहरुमा रेजिना पालिखे, सुनिता थापा पौडेल चयन भएको निर्वाचन समितिका सदस्य खगेन्द्रप्रसाद घिमिरेले जानकारी दिए ।
यस्तै वस्तुगत सदस्यहरुतर्फ उज्ज्वल कर्माचार्य, दिजेश शाक्य, देवबहादुर विश्वकर्मा र उद्योग तर्फबाट सदस्यमा भिमबहादुर खेवा लिम्बु निर्विरोध चयन भएको छ ।
नवनिर्वाचित अध्यक्ष विजयसन्तोषी राईले खस्कदै गएको जिल्लाको व्यापार व्यवसायलाई राहत दिन तथा सम्पूर्ण उद्योगी, व्यापारी, व्यावसायीहरुको हक हितका लागी कार्य गर्ने प्रतिवद्धता जनाए । उनले सबैव्यवसायीहरुलाई एकतावद्ध गरी अगाडि बढ्दै धनकुटाको उद्योग, व्यापार, व्यवसायको प्रवद्र्धन र सम्वद्र्धन गर्न धनकुटा उद्योग बाणिज्य संघले अभियान संचालन गर्ने बताए ।
सो अवसरमा संघका निर्वतमान अध्यक्ष उमेश घिमिरे र निर्वतमान महासचिव रोशन श्रेष्ठ लगायत उद्योगी, व्यापारी, व्यवसायीहरु र पत्रकारहरुको सहभागीता रहेको थियो ।
संघमा नेपाली कांग्रेस निकट व्यवसायीलाई अध्यक्षसहित ८ जना, नेकपा निकट व्यवसायीलाई वरिष्ट उपाध्यक्षसहित ९ जना र समाजवादी पार्टी निकट व्यवसायीलाई सचिवसहित २ जना पद बाँडफाँड गरिएको थियो ।
सदस्यता विवादको कारण ८१ दिन संघको मुलगेटमा ताला लर्गाएको थियो । राजनीतिक दलहरुवीच सहमती भएसँगै सबै पदहरुमा सर्वसम्मत चयन भएका थिए ।