धनकुटा । विपन्न परिवारका विद्यार्थीहरुलाई पुस्तक बोक्न सहज होस् भनेर झोला वितरण गरेको छ । नेवाः मिसाः दवुः तथा सौन्दर्य कला व्यवसायी संघको संयुक्त आयोजनामा धनकुटा नगरपालिका वडा नं. ८ स्थित देउराली माविमा अध्ययनरत विद्यार्थीहरुलाई झोला वितरण गरेको हो ।
११० औं अन्तर्राष्ट्रिय नारी दिवसको अवसरमा सो झोला वितरण गरिएको आयोजक सुजता श्रेष्ठले जानकारी दिए । विद्यालयका ८० जना विद्यार्थीहरुलाई पुस्तक बोक्न सजिलोहोस् भनेर झोला वितरण गरिएको श्रेष्ठले जानकारी दिए ।
सो अवसरमा सोहि वडाका पवडाध्यक्ष सुमन आठपहरियाले यस विद्यालयमा प्रायः विपन्न परिवारका विद्यार्थीहरुमात्र अध्ययन गर्ने भउकाले दाता संस्थाहरुले झोला वितरण गरेर ठूलो गुण लगाएको बताए । उनले धेरैजसो विद्यार्थीहरुको अभिभावक गरिव भएकाले आफ्ना सन्तानलाई झोला किनिदिन सक्ने अवस्थामा छैन । झेला अभावमा विद्यार्थीहरुको पुस्तक चाडै च्यातिने समस्या रहदै आएको बताउँदै अब यो समस्या समाधान हुने विश्वास जनाए ।
सो अवसरमा नेवाः मिसाः खलः धनकुटाकी अध्यक्ष रेणु श्रेष्ठले आगामी दिनमा पनि यस्ता विद्यार्थीहरुलाई सहयोग गर्ने कार्य जारी राख्ने प्रतिवद्धता जनाए । उनले गुणस्तरीय शिक्षाले बालवालिकाको भबिष्य उज्ज्वल हुनुका साथै राष्ट्रको उन्नती हुने भएकाले विद्यार्थीहरुलाई पढाईमा विषेश ध्यान दिन अभिभावक र शिक्षकलाई आग्रह गरिन् ।
कार्यक्रममा विद्यालयका प्रधानाध्यापक यामबहादुर बस्नेतले आठपहरिया समुदायका मात्रै विद्यार्थी भएको जानकारी दिदै विद्यालयमा यसप्रकारको पहिलो ठूलो सहयोग आएको भन्दै आयोजकलाई धन्यवाद दिए ।
यस्तै कार्यक्रम सौन्दर्य कला व्यवसायी संघकी अध्यक्ष किरण श्रेष्ठ मन्तव्य राखेका थिए । कार्यक्रमको अध्यक्षता गरेकि सुजता श्रेष्ठले यस विद्यालयको अवस्थाका वारेमा पत्रकार महासंघका अध्यक्ष राजेश्वरबहादुर श्रेष्ठबाट जानकारी पाएकोले सहयोग गर्न आएको बताईन् । उनले विद्यार्थी राष्ट्रको कर्णधार हो भन्दै आगामी दिनमा पनि सहयोग जारी राख्ने आश्वासन दिईन् ।