सम्पर्क समितिका पूर्वसभापतिको भट्टराईको निधन

धनकुटा ८ चैत्र । शिक्षासेवी तथा नेपाली कांग्रेस धनकुटा – काठमाण्डौ सम्पर्क समितिका पूर्वसभापति नारायणप्रसाद भट्टराईको निधन भएकोमा सम्पर्क नेपाली कांग्रेस धनकुटा र सम्पर्क समितिले शोक विज्ञप्ती जारी गरेको छ । सो विज्ञप्तीमा भट्टराईको निधनले नेपाली कांग्रेसलाई अपुरणीय क्षति पुगेको उल्लेख गरेको छ ।
नेपाली कांग्रेसको संगठन विस्तार र सुदृढीकरणमा महत्वपूर्ण योगदान दिएका पूर्वसभापति स्वर्गीय भट्टराईको निधनले नेपाली कांग्रेस धनकुटालाई एक सच्चा इमान्दार व्यक्ति गुमाएको जिल्ला सचिव विजय सन्तोषी राई र सम्पर्क समितिका सभापति भीमबहादुर थापाले जारी गरेको विज्ञप्तीमा उल्लेख छ । विज्ञप्तीमा स्वर्गीय पूर्वसभापति भट्टराईप्रति हार्दिक श्रद्धाञ्जली व्यक्त गर्दै शोकाकुल परिवारजनमा समवेदना व्यक्त गरिएको छ ।
स्व. भट्टराई वि.सं. १९९० साल असार २२ गते महालक्ष्मी नगरपालिका जितपुरमा जन्मिएका थिए । उनको निधन चैत्र ६ गते काठमाण्डौमा भएको थियो ।

Dhankuta News