धनकुटा १० चैत्र । धनकुटेली जनतालाई नोवेल कोरोना भाईसको संक्रमणबाट बचाउन हातधुने अभियानलगायत विभिन्न जनचेतना मुलुक अभियान संचालन गरेको छ । सो अभियान धनकुटा नगरपालिका र छथरजोरपाटी गाउँपालिकाकाको संयुक्त आयोजनामा धनकुटा उद्योग बाणिज्य संघले शुरु गरिएको हो ।
धनकुटा नगरपालिकाका रसंघको संयुक्त आयोजनामा धनकुटा र हिलेमा कोरोना भाईरसविरुद्धको सचेतना अभियान सञ्चालन गरियो । अभियानअन्तर्गत १७ वटा चौक तथा सार्वजनिक स्थलहरुमा सावुन पानीले हातधुने स्थल स्थापना गरिएको छ । उक्त अभियानको धनकुटा नगरपालिकाका प्रमुख चिन्तन तामाङले मदन चौक र चुवाको बोटमा हात धुएर उद्घाटन गरे । सो अवसरमा प्रमुख तामाङले कोरोना भाईरसबाट आफु बच्न र अरुलाई संक्रमण हुन नदिन आग्रह गरे ।
संघका अध्यक्ष विजयसन्तोषी राईको अध्यक्षतमा भएको कार्यक्रममा संघका वरिष्ठ उपाध्यक्ष मनकुमारी तितुङ, उपाध्यक्ष खगेन्द्र विष्ट, महिला उपाध्यक्ष निर्मला राई श्रेष्ठ, महासचिव रामबहादुर तामाङ, सचिव रामबहादुर राया, कोषाध्यक्ष रुपेश श्रेष्ठ, कार्यकारी सदस्यहरु उज्ज्वल कर्माचार्य, रिदम श्रेष्ठ, रेजिना पालिखे, लिजा श्रेष्ठ, सुनिता थापा, रेवती प्रसाद अधिकारी, डिजेस शाक्य, नविन श्रेष्ठ, संघका कार्यालय प्रमुख सिचन प्रधानलगायतको सहभागिता रहेको थियो ।
यसैगरी हिलेमा हातधुने स्थल स्थापना कार्यक्रमको उद्घाटन वडा नं. १ का वडाध्यक्ष निरन तामाङले गरेका थिए । सो अवसरमा संघका पूर्वअध्यक्ष लालचन्द्र गोङ्वा, हिले बजार व्यवस्थापन समितिका अध्यक्ष बुद्ध तितुङ, समशेर गोङ्वा ,दामोदर घिमिरे, रेडक्रस सोईसाईटी हिले शाखाका सभापति धिरेन थिङलगायत व्यवसायी तथा स्थानीयको सहभागी थिए ।
यसैगरी संघ र छथरजोरपाटी गाउँपालिकाको आयोजनामा जोरपाटी र सिधुवामा हातधुने स्थल स्थापनाको गाउँपालिकाका उपाध्यक्ष भिमकला श्रेष्ठले उद्घाटन गरिन् । सो अवसरमा संघका अध्यक्ष राई, पालिका वडा ६ का वडाध्यक्ष दिलबहादुर थापा, संघ छथरजोरपाटी शाखाका अध्यक्ष शिव श्रेष्ठ, पालिका कार्यालयका स्वास्थ्य शाखाका प्रमुख सुन्दरमान डंगोल, सिधुवा प्रहरी चौकीका इञ्र्चाज दिलीपकुमार चौधरी, सिधुवा बजार व्यवस्थापन समितिका महासचिव ज्ञानेन्द्र कार्की, नविन श्रेष्ठलगायत व्यवसायी तथा स्थानीयको सहभागिता रहेको थियो ।
हातधुने स्थल जोरपाटी र सिधुवाका गरी ७ स्थानमा स्थापना गरिएको छ । संघका अध्यक्ष विजयसन्तोषी राईको अध्यक्षतमा भएको कार्यक्रमको संचालन महासचिव रामबहादुर तामाङ र सचिव रामबहादुर रायले गरेका थिए । संघले धनकुटामा कोरोना भाईसबाट बच्नका लागी जनचेतना अभियान तथा सन्देशमुलक माईकिङ समेत गरेको छ । यसैगरी दैनिक उपभोग्य सामग्रीहरु अभाव हुन नदिन अनुगमन समेत गरिरहेको अध्यक्ष राईले जानकारी दिए ।
